JOSUA 1:17 - BIBEL JAMITA NA DENGGAN

¹⁷ Sai na oloannami do angka na niparentahonmu, laing songon si Musa na sai hami oloi. Sai didongani Tuhan Debatami ma ho songon pandonganiNia di si Musa!

JOSUA 1:17 Iomraidhean Croise

2 SAMUEL 14:17

Pos do rohangku rajanami laing janji ni raja i noma na manjamin haluaanku angke na songon surusuruan ni Debata do raja i na tuk gogo paasingkon na denggan dohot na jat. Sai didongani Tuhan Debata ni raja i ma antong nian raja i!”

1 RAJA-RAJA 1:37

Sai Tuhan i ma mandongani raja i, sai didongani Ia muse ma si Salomo. Sai dipartuai Tuhan ma pamarentaonnia sumurung sian pamarentaon ni raja i.”

1 JUJUR TAON 28:20

Dung salpu i didok Raja Daud ma muse tu si Salomo anakna i, “Ulang ho mabiar, pos ma rohamu. Pungka ma karejo i jana ulang ho gamang sanga na maradopkon aha pe. Urupan ni Tuhan Debata na husomba i do ho. Nada tadingkononNia ho. Sai na dongananNia do ho lopus sidung dibaen ho sude karejo i.

MASMUR 20:1

Sai dialusi Tuhan ma ho dihatiha hasusaan, sai Debata ni si Jakob ma mangalehen di ho parondingan.

MASMUR 20:4

Sai digohi Ia ma na nihalungunkonmu, jana sai manjadi ma dibaen Ia sangkapmu.

MASMUR 20:9

Ale Tuhan, lehen ma hamonangan tu raja, alusi ma hami muda martangiang.

BILANGAN 27:18

Didok Tuhan ma tu si Musa, “Pio ma si Josua, anak ni si Nun. Halak na pistar do i. Ampehon ma tanganmu tu ginjang ulunia.

BILANGAN 27:20

Lehen ma tusia sabagian sian kuasomi, anso sude halak Israel mangoloi tusia.

MATEUS 21:9

Mamungka ma marsurahi halak na mardalan di jolo dohot na di pudi ni Jesus. Ninna halahi ma, “Hosana ma di Anak Ni si Daud! Dipasupasu ma Ia na ro di bagasan goar ni Tuhan! Puji ma Debata Na Gumincat i!”

PANGARATAION 34:9

Digohi Tuhan ma si Josua anak ni si Nun dohot habisuhon dibaen madung ditodo si Musa ia gontinia. Mangoloi do bangso Israel tu si Josua jana didalankon halahi do angka parenta na nilehen ni Tuhan tu halahi markite-hite si Musa.

JOSUA 1:16

Jadi dialusi Marga Ruben, Gad dohot deba sian Marga Manase ma, “Sanga aha na nisurumu baenonnami, patulusonnami ma i, jana sanga tu dia disuru ho hami kehe, laing na kehe ma hami.

JOSUA 1:18

Sanga na ise pe na mangalo kuasomu, sanga na so mangihutkon parentamu, mate hona uhum ma i. Sai pos ma rohamu jana ulang mabiar ho!”

JOSUA 1:5

Salolot di ngolumu ale Josua, sada halak pe nada adong na tolapsa manaluhon ho. Angke sai dongananKu do ho songon pandonganingKu di si Musa. Sai na tongtong do ho dongananKu. Nada unjung tadingkononKu ho.

JOSUA 1:9

Ingot, madung Huparentahon tu ho anso marpos ni roha situtu ho! Ulang ho mabiar sanga hurang semangat, angke Au Tuhan Debatamu, sai na dongananKu do ho sanga na tu dia pe ho kehe.”

JOSUA 4:14

Dibaen Tuhan ma di ari i angka pangalaho na mambaen bangso Israel manjujung si Josua gabe halak na godang. Dipasangap halahi ma si Josua, salolot mangolu ia songon na diparsangapi ni halahi si Musa.

1 SAMUEL 17:37

Na dung dipalua Tuhan do au sian singa dohot gompul, laing paluaonNia muse ma au sian halak Pilistin i.” Dung i didok si Saul ma tusia, “Antong denggan, sai didongani Tuhan ma ho nian.”

1 SAMUEL 20:13

Muda na giot agoonna do ho, hupaboa pe tu ho anso tarbaen ho antong paluahon dirimu. Sai dibunu Tuhan ma au muda nada hupatulus i. Sai didongani Tuhan ma ho laing songon pandonganina di amanta najolo!