JOEL 3:9 - BIBEL JAMITA NA DENGGAN

⁹ Pabotohon ma boa-boa on tu angka bangso: Markobas ma marporang dohot mangasahon gogo! Pajuju hamu ma angka na malo marlojong dohot angka ulubalang; palagut sude angka parajurit, beta ma, maju ma!

JOEL 3:9 Iomraidhean Croise

MASMUR 96:10

Baritahon ma tu angka bangso, “Raja do Tuhan! Togu do portibi nada tarhutur, diuhumi Ia angka bangso marhite hatigoran.”

JESAYA 34:1

Ro ma hamu angka bangso marlagut, jana tangihon hamu ma. Marroan ma na satano on dohot sandok na mangolu di bagasanna manangihon.

JEREMIA 31:10

Didok Tuhan do, “Tangihon hamu ma ale angka bangso! Palalu ma tonangKu tu bariba ni laut: BangsongKu na dung Hupaserakkon giot palagutonKu jana pasari-sarionKu songon parmahan na manjago biri-birina.

JEREMIA 50:2

“Paboa ma barita tu angka bangso! Pasar ma barita i. Baen ma tanda anso sar barita i. Ulang tabuni-tabunihon barita i. Madung hona taban Babel! Madung maila Debata Bel, madung tarsonggot Marduk! Madung maila angka gana-ganaan i.

JEREMIA 51:11

Madung dijajang Tuhan angka raja na sian Media, hara ni na giot roncohononNia Babel. Songon i ma dalanna dibaen Ia laho mamalos parbuatan ni angka jolma na mangaroncohon bagasNia i. Didok komandan ni parangan parporang i ma, “Patajom be anak ni pana! Parade parince!

JEREMIA 51:27

“O ale raja na sian Utara! Lehen ma tanda laho manyerang! Palu ma sarune anso dibege angka bangso! Arahon ma angka bangso laho marporang mangalo Babel! Suruhon ma harajaan Ararat, Mini dohot Askenas manyerang. Angkat ma sada halak ulubalang laho manguluhon porang i. Oban ma kudona sabahat ni siapor.

JEREMIA 6:4

“Marhobas ma hita mamorangi ia. Beta, kehe ma hita mangaroro halahi hatiha kotu! ‘Marmara ma hita, angke ma mamungka samon ari, madung maginjang angka halinu!’

JEHESKIEL 38:17

Nada he Hudok hian do najolo taringot tu ho marhite angka naposongKu na giot suruonKu di hatiha na giot ro sada halak laho mamorangi Israel. Au Tuhan Debata madung mandok songon i.”

JEHESKIEL 38:7

Suru ma ia anso hobas jana parentahon ma sude tentara na marsada dohot ia anso hobas mangihutkon tanda sian ia.

MIKA 3:5

Dipaoto-oto angka panurirang do bangsongKu, i ma angka panurirang na burju tu angka jolma na mangalehen hepeng, tapi na margoyak ni roha tu halak na so mangalehen. Tu angka panurirang na songon i didok Tuhan ma,

HAGAI 2:7

HuturonKu ma sandok bangso. Jadi marroan ma angka arta hasudungan ni roha ni saluhut angka bangso, jana gokanKu ma Bagas on dohot hagodangan, ninna Tuhan Na Markuaso i.

ZAKARIA 14:2

Palaguton ni Tuhan ma sandok bangso laho mamorangi Jerusalem. Taluhononna ma kota i, jana dirampasi angka bagasna i, jana angka dadaboru na disi paksaonna marmainan. Satonga sian halak kota i obanonna tu habuangan, tapi anggo na asing i tading do di kota i.

ZAKARIA 14:3

Jadi kehe ma Tuhan marporang mangalo angka bangso i songon na nibaenNia narobi.