JOEL 3:8 - BIBEL JAMITA NA DENGGAN

⁸ GadisonKu angka anakmu halaklahi dohot dadaboru tu halak Juda, jana gadisonna muse ma i tu halak Seba, luat na dao situtu. Au Tuhan mandok songon i.

JOEL 3:8 Iomraidhean Croise

MASMUR 72:10

Angka raja ni Tarsis dohot angka pulo marsioban silua somba-somba ma tusia. Angka raja ni Arab dohot Etiopia marroan manaruhon gugu bolaanna.

JESAYA 60:14

Ro ma angka dakdanak ni na mamparkanciti ho marsomba tu jolomu na dung jungada mangalayasi ho mamparsangapi jana tunduk, ‘Sion, Kota Ni Debata Na Badia ni Israel’, ‘Kota Ni Tuhan’, songon i ma ho nigoaran.

JEREMIA 30:16

Tapi saonnari, hona bondut ma sude na mamondut hamu jana obanon ma tu habuangan sude musumunu. TindosanKu ma na manindos ho samunonKu ma na manyamun ho.

JEREMIA 6:20

Aha ma guna ni hamonyan na dioban ni halahi di Au sian Seba, sanga parmasak na sian luat na dao i? Nada ringkot rohangKu manjagit haul ni halahi i; nada giot Au angka haul na nitutung ni halahi.

JEHESKIEL 23:42

Tarbege ma sian ruar sora ni halak na bahat gaor hara ni sonang ni rohana. Angka halak na diundang do i na ro sian halongonan. Dipamasuk halahi ma golang tu tangan ni na martinadohon i jana dibaen halahi ma angka jarunjung na jeges tu ulu ni halahi.

JEHESKIEL 38:13

Sapa-sapa ma tu ho halak Seba dohot Dedan maradu angka parboniaga na di angka kota ni Luat Spanyol songon on, ‘Na giot mangarampas dohot manangko sere, perak, pahan-pahanan dohot barang-barang dehe umbaen diarahon tentarami lalu maroban sudena i?’ ”

PANGARATAION 32:30

Biasi talu saribu dibaen na sada jana saratus ribu dibaen na dua alona? Na ditadingkon Tuhanna do halahi dipalapas Debata na gumogo i.

HAKIM-HAKIM 2:14

Jadi muruk ma Tuhan tu bangso Israel, jana dipadiar Tuhan ma angka pangarampok mangarampas dohot manaluhonsa, lopus nada taralo halahi be angka musuna i.

HAKIM-HAKIM 4:2

Gabe dipadiar Tuhan halahi talu dibaen si Jabin raja ni Kanaan na maringanan di kota Hasor. Si Sisera na maringanan di Haroset-Hagoyim do panglima ni tentara i.

HAKIM-HAKIM 4:9

Dialusi si Debora ma, “Antong denggan! Dohot ma au! Tapi ingot da, nada ho na mandapot hasangapan i. Markite-hite sada dadaboru ma Tuhan manaluhon si Sisera.” Jadi kehe ma si Debora dohot si Barak tu Kedes.