JOEL 3:7 - BIBEL JAMITA NA DENGGAN

⁷ Saonnari Huoban halahi ruar sian angka inganan panggadisanna dibaen hamu, jana balosonKu ma hajahatanmunu maradopkon halahi.

JOEL 3:7 Iomraidhean Croise

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

JESAYA 11:12

PajongjongonNia ma sada mandera laho patandahon tu angka bangso bahaso na nipalagutNia mangulahi bangso Israel dohot Juda na marserak i di na opat mata angin jana maroban halahi mulak.

JESAYA 49:12

Ligi ma, bahat halak na ro sian na dao, adong sian Utara dohot sian Hasundutan, jana adong sian tano Sinim.”

JESAYA 66:6

Tangihon ma! Adong sora na gumadobur di kota, adong sora sian BagasKu. I ma da sorangKi na topet manguhumi musu i!

JEREMIA 23:8

tapi marsumpa ma halahi mangasahon Au, Tuhan na mangolu na maroban halak Israel ruar sian luat na di Utara, dohot sian sude luat na asing inganan na Hubaen paserakkon halahi. Maringanan di bona buluna sandiri noma halahi.”

JEREMIA 30:10

O hamu bangsongKu, ulang be mabiar hamu! halak Israel, ulang humitir hamu! PaluaonKu ma hamu sian tano na dao, inganan pambuanganmunu. Mulak noma hamu jana di bagasan dame mangolu. Aman noma ngolumunu nada adong be sihabiaranmunu.

JEREMIA 30:16

Tapi saonnari, hona bondut ma sude na mamondut hamu jana obanon ma tu habuangan sude musumunu. TindosanKu ma na manindos ho samunonKu ma na manyamun ho.

JEREMIA 31:8

Sian Utara Huoban halahi mangulahi; Hupalagut halahi sian angka ujung ni portibi. Halak na mapitung dohot na lumpu pe dohot do disi, songon i muse ina na baru horas dohot na giot di api. Giot marroan ma halahi sudena, songon bangso na godang tu luat on.

JEREMIA 32:37

PalagutonKu ma bangso on sian sude luat inganan parserahan ni halahi hara ni muruk ni rohangKu dohot rimasKu tu halahi. ObanonKu ma halahi mangulahi mulak tu inganan on jana Hubaen aman halahi maringanan di luat on.

JEHESKIEL 36:24

Sian ganop bangso dohot luat, palagutonKu ma hamu jana paulahonKu tu tanomu sandiri.

JEHESKIEL 38:8

Sanga na piga taon nari suruonKu ma ia laho mamorangi sada luat na diingani ni halak na dipalagut mangulahi sian tonga-tonga ni bahat bangso jana maringanan muse di luat i di bagasan sonang. Inganan ni si Gog ma angka dolok ni Israel na dung honok mangalungun jana gok tapor-tapor, tapi saonnari na niingani ni rayat na mangolu di bagasan dame.

JOEL 3:4

Na giot bia do baenonmu Au, ale Tirus, Sidon, dohot sandok Luat Pilistin? Na giot palalu hosom dehe ho tu Au? Jagit ma pamalosonKu na tompu harorona muda dibaen ho na songon i.

ZAKARIA 9:13

BaenonKu ma Juda songon sior na sintak, jana Huhobasi Efraim tu parporangan, jana Hupake angka anakmi ale Sion, adop angka anakmu, jana tano Junani baenonKu gabe podang ni sada pahlawan.”

MATEUS 7:2

Harana songon uhum na niuhumkonmunu, songon i do niuhuman hamu muse; jana parsuhatan na nisuhatkonmunu i do niparsuhatkon tu hamu muse.

2 TESSALONIKA 1:6

Patupaon ni Debata do angka pangalaho na tigor. BaloskononNia ma sitaonon tu halak na mambaen sitaonon tu hamu.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!

HALUMBAAN 13:10

“Sanga ise na angkon hurungon, angkon laing hurungkonon do. Jana sanga ise na mamunu dohot podang, pasti bunuon dohot podang. Hara ni i ma da umbaen na angkon sobar jana setia tongtong anggo halak na badia.”

HALUMBAAN 16:6

Dibaen madung diusehon halahi mudar ni angka halak na badia dohot angka panurirang i. Madung dilehen Ho mudar gabe inumon ni halahi tama do na songon i di halahi!”

HALUMBAAN 19:2

Dibaen na sintong jana na tigor do angka uhumNia, angke diuhumi Ia do panggampang godang i, na manyegohon tano on markite-hite panggampangonnia i, jana Ia do na mambaloskon mudar ni angka naposoNia tu panggampang i.”

HAKIM-HAKIM 1:7

Didok si Adoni-Besek, “Najolo madung hugotap inang ni jari ni pat dohot tangan ni pitu pulu raja, jana hupadiar halahi mangan sian teba-teba ni sipanganon na madabu sian mejangku. Saonnari dibaen Debata ma tu au dos songon na hubaen tu halahi.” Dioban do muse si Adoni-Besek on tu Jerusalem jana disi ma marujung ngolunia.

1 SAMUEL 15:33

Didok si Samuel ma, “Songon podangmi na dung mambaen bahat halak agoan anak, laing songon i muse ma inangmu gabe agoan anak.” Dung i dijaljal si Samuel ma si Agag di jolo ni langgatan na di Gilgal i.