JOEL 3:5 - BIBEL JAMITA NA DENGGAN

⁵ Ditangkoi hamu do sere dohot perakKu, jana dioban hamu artangKu sigodang arga tu bagasan bagas pameleanmunu.

JOEL 3:5 Iomraidhean Croise

2 RAJA-RAJA 12:18

Jadi ditongos si Joas ma silehen-lehen tu Raja Hasael. Na nibuat sian haul na nipasahat tu Tuhan do silehen-lehen i, i ma sude haul sian si Josafat, si Joram dohot si Ahasia, angka raja na mamarenta di jolo ni si Joas. Dohot sian haul na nipasahat ni si Joas sandiri dohot sere sude na adong di kas ni Bagas Ni Debata dohot di bagas godang ni raja. Hara ni silehen-lehen i, gabe sundat ma diroro si Hasael Jerusalem.

2 RAJA-RAJA 16:8

Ditongoskon ia muse ma siluania sere dohot perak na sian Bagas Ni Debata, dohot sinadongan na sian bagas ni raja.

2 RAJA-RAJA 24:13

Disego-sego si Nebukadnesar ma sude parkokas na nibaen ni Raja Salomo sipakeon di Bagas Ni Debata jana dioban ia ma tu Babel sude barang sigodang arga na adong di Bagas i dohot di bagas godang. Songon i ma na masa i, hombar tu na nidok ni Tuhan hian.

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

JEREMIA 23:7

Harana songon on do didok Tuhan: Dapot do hatihana muse, nada be marsumpa halak marhite Au, Tuhan na mangolu na maroban halak Israel haruar sian Mesir,

JEREMIA 50:28

Dicaritohon angka halak na lari sian Babel tu Jerusalem ma sanga songon dia pamalos ni Tuhan Debatanta di parbuatan ni halak Babel maradopkon bagas na badiaNia.)

JEREMIA 51:11

Madung dijajang Tuhan angka raja na sian Media, hara ni na giot roncohononNia Babel. Songon i ma dalanna dibaen Ia laho mamalos parbuatan ni angka jolma na mangaroncohon bagasNia i. Didok komandan ni parangan parporang i ma, “Patajom be anak ni pana! Parade parince!

JEHESKIEL 37:12

Antong manyurirangi ma ho tu bangsongKu Israel i, Au Tuhan Debata giot mangungkap kuburan ni halahi. Hupangot ma halahi sian kuburan i jana paulahonKu halahi tu tano Israel.

DANIEL 11:38

Tapi sombaonnia ma debata na so unjung disomba angka ompuna, i ma debata na mangondihon angka benteng. Haulkononnia ma sere, perak, batu na arga dohot angka haul na marlobi-lobi na asing i tu debata na so unjung i dope disomba angka ompuna i.

OBAJA 1:17

“Hape anggo di Dolok Sion, laing adong do na malua, jana gabe inganan hapunjunganKu ma dolok i. Jadi mulak ma pomparan ni si Jakob gabe tano pusako ni halahi ma i.