JOEL 3:4 - BIBEL JAMITA NA DENGGAN

⁴ Na giot bia do baenonmu Au, ale Tirus, Sidon, dohot sandok Luat Pilistin? Na giot palalu hosom dehe ho tu Au? Jagit ma pamalosonKu na tompu harorona muda dibaen ho na songon i.

JOEL 3:4 Iomraidhean Croise

2 JUJUR TAON 21:16

Di hatiha i adong do halak Pilistin dohot halak Arab maringanan di lambung ni parhutaan ni halak Sudan na di topi ni laut. Digorakkon Tuhan ma roha ni angka jolma i laho mamorangi si Joram.

JESAYA 14:29

O ale bangso Pilistin, madung maponggol potuk-potuk na nipake laho mamukul ho. Tapi ulang pola marjop ni roha ho, angke muda mate pe sada ulok, laing ro do ulok na jumahat manggontisa, jana manotas ma pira ni ulok jana ruar ma naga na marhabong.

JESAYA 34:8

Disi ma hatihana paluaon ni Tuhan ma Sion jana palalu hosom ma Ia tu angka musuNia.

JESAYA 59:18

UhumanNia noma angka musuNia marguru tu pambaenan ni halahi, salang angka bangso na dao-dao pe nada malua sian uhumanNia.

JEREMIA 47:1

Taran so diporangi raja Mesir dope Gasa mangkuling ma Tuhan tu au salaho tu tano Pilistin.

JEREMIA 47:4

Madung dapot hatihana patimpason bangso Pilistin sudena, lopus nada dapotan pangurupion be Tirus dohot Sidon. AbiskononKu ma sude halak Pilistin sian Kreta. Au Tuhan na mambaensa.

JEREMIA 51:6

Palua ma dirimu! Lojongi ma sian Babel ulang jabat dohot hamu hona bunu hara ni dosana! Na mambaloskon hajahatan ni Babel do Au on dohot manguhumisa hombar tu pambaenanna.

JOEL 2:10

Humutur do tano di na maju halahi, dohot langit pe humuntal do disi. Manggolap dohot bulan songon i mataniari, nada marsinondang dohot angka bintang i.

JOEL 2:2

Manggolap do ari i jana mangalomlom, ari na gok ombun dohot hagolapan. Songon sinondang ni mataniari manyogot di ginjang ni angka tor, sada bangso na bahat jana na gogo. Na so unjung masa dope i; jana sapanjangna nada masa be i.

MATEUS 11:21

“Marjaya situtu ma ho Khorasim, marjaya ma dohot ho ale Betsaida. Sugari di halak Tirus dohot Sidon dibaen tanda hahomangan na nibaen di tonga-tongamunu, ma pola markutondo halahi marsak, marsibaen sirabun tu pamatangna be pataridahon na dung muba roha ni halahi sian angka dosana.

MATEUS 11:22

Tapi Hudok ma tu hamu, ‘Numayang do uhuman na tu kota Tirus dohot Sidon di ari panguhuman i, ulang pado tu hamu!’

LUKAS 10:13

“Marjaya do ho Khorasim! Marjaya do ho ale Betsaida! Sugari di kota Tirus dohot Sidon dipamasa angka hahomangan na di pamasa di tonga-tongamunu pasti madung tibu halahi pauba rohana jana marsak angka jolma na disi di hatiha i.

LUKAS 10:14

Tapi umnayang do uhum na tu Tirus dohot Sidon di ari parpudi ulang pado tu hamu.

LUKAS 18:7

Anggo sai pio-pio do bangso ni Debata arian dohot borngin tu Debata nada he belaon ni Debata muse parkaro ni bangsoNa i? Adong he dipalolot-lolot Ia laho manolong halahi?

BAENON NI ANGKA RASUL 9:4

Gabe tungkap ma ia tu tano i jana dibege ia ma sada sora na mandok tusia, “Saulus, Saulus! Biasi diparkanciti ho Au?”

PANGARATAION 32:35

Palaluon ni Tuhan ma hosomNa, anso didabu tu halahi uhumanNa; ro do hatihana madabu halahi; ma pola donok arina maropuk halahi.

2 TESSALONIKA 1:6

Patupaon ni Debata do angka pangalaho na tigor. BaloskononNia ma sitaonon tu halak na mambaen sitaonon tu hamu.

HAKIM-HAKIM 11:12

Dung salpu i diutus si Jefta ma halak mandapotkon Raja Amon laho mandok songon on, “Aha lakna salanami umbaen jabat diporangi hamu luatnami?”