JOEL 3:18 - BIBEL JAMITA NA DENGGAN

¹⁸ Gok kobun anggur noma angka dolok di hatiha i. Angka pahan-pahanan manjampali ma di tor na napu. Angka batang aek ni Juda nada unjung abis be aekna. Mardalan ma sada batang aek sian Bagas Ni Tuhan, jana aekanna Rura Sitim.

JOEL 3:18 Iomraidhean Croise

JOB 29:6

Bahat situtu susu sian pahan-pahananku. Bahat do miak sian angka bona ni zetunku, haru pe disuan di tano na marbatu.

MASMUR 46:4

Adong do batang aek na pajopkon roha ni Kota Ni Debata, inganan ni Debata Na Gumincat.

HARURUAR 3:8

Jadi hara ni i, madung mijur Au laho palua halahi sian tangan ni halak Mesir, bope maroban halahi haruar sian luat i, tu sada luat na bidang jana na napu, tano inganan ni susu dohot aer ni loba, jana saonnari diingani halak Het, Amori, Peris, Hewi dohot Jebus.

JESAYA 30:25

Di ari dompak na manghobuk angka benteng ni musumu jana dibunui angka halakna i, mamincar ma angka anak ni batang aek sian ganop dolok dohot tor.

JESAYA 35:6

Marhujingjang ma halak na lumpuon songon ursa, marsurak ma halak na ngungu marjop ni roha. Di padang parhorsihan ruar ma mual ni aek, di padang halongonan mardalan ma batang aek.

JESAYA 44:3

Tano na manguas Hupabutong dohot aek, di tano na harsang, mardalan ma batang aek. DuruskononKu ma kuasongKu tu angka dakdanakmu, jana Hupasupasu pomparanmu.

JESAYA 45:8

Hupaijur hamonangan songon udan, marbuka tano on laho manjagit haluaan. Maringanan ma haluaan dohot hatigoran, Au Tuhan, Au do mambaen on mardalan.”

JESAYA 55:1

“Ro ma hamu angka na manguas, minum ma hamu, adong do aek na rade. Hamu na so marhepeng, marroan ma hamu! Jagit hamu ma gandum jana mangan ma hamu! Singkop do anggur dohot susu, jagit hamu ma nada pola manggarar.

JESAYA 66:11

Daionmunu ma hataboan ni pasupasuna, songon dakdanak na manyusu tu inangna.

JEREMIA 31:12

Marroan ma halahi tu Dolok Sion jana marende disi marjop ni roha, hara ni sude na Hulehen tu halahi: gandum, miak, anggur dohot biri-biri. Tudos ma halahi tu kobun na tuk aekna, jana na so hurangan di bagi aha.

MIKA 6:5

“Ale bangsongKu, ingot hamu ma sanga aha na nisangkapan ni si Balak raja ni Moab i tu hamu, jana aha do alus ni si Bileam anak ni si Beor i tusia. Ingot hamu ma sanga aha na tarjadi di pardalanan antara ni parbandaran na di Sitim dohot na di Gilgal. Anggo diingot hamu do sudena i, torang do botoonmunu sanga aha na dung Hupatupa laho paluahon hamu.”

ZAKARIA 14:8

Di ari i, mardalan ma aek na lan sian Jerusalem; satonga sian aek i kehe tu Laut Hamatean do jana na satonga nari kehe tu Laut Tonga. Mardalan do torus aek i sasataon, bope di ari nonat sanga pe di logo ni ari.

BILANGAN 25:1

Dompak marbandar halak Israel di Rura Sittim, mamungka ma adong na marcampur sian angka halaklahi dohot angka boru Moab na adong disi.