JOEL 3:14 - BIBEL JAMITA NA DENGGAN

¹⁴ Marribu-ribu jolma na ro di Rura Josafat i. Angke manigor ro noma disi ari ni Tuhan i.

JOEL 3:14 Iomraidhean Croise

MASMUR 37:13

Hape dipartatai Tuhan do parjahat i, diboto Ia do na dung donok hamamago ni halahi.

JESAYA 13:4

Tangihon ma sora na gaor-gaor di dolok i – sora ni halak na marlagut bahat sajo, hagaoron ni angka bangso dohot angka harajaan na marlagut. Hatiha mamareso barisan na giot marporang i ma Tuhan Na Markuaso i.

JESAYA 22:1

On ma alatan taringot tu Rura Halumbaan: O hamu na maringanan di Jerusalem, biasi manaek hamu sude tu tarup ni bagas?

JOEL 1:15

Nada sadia honok nari ari ni Tuhan dapot ne ma, disi ma hatihana Na Markuaso i parohon mara. Na jorbut sun do ari i dibaen maroban arsak dohot hasegoan do i.

JOEL 2:1

Palu ma sarune di Sion jana marsurak ma di dolok ni Debata na badia i. Humitir ma sude pangisi ni luat angke dapot ne ma ari ni Tuhan, angke madung donok ari i.

JOEL 2:11

Mangaronggur ma sora ni Tuhan mangalehen tanda, jana tunduk do tuSia parangan i sude. Na bahat do paranganNia! Santak gogo ni tentara na nipimpinNa! Ari na godang jana na jorbut do ari ni Tuhan! Ise he na bisa mangambati i?

JOEL 3:12

Didok Tuhan dope, “Angkon markobas do angka bangso lalu kehe tu Rura Josafat. Disi ma uhumanKu angka bangso, Au Tuhan manguhumi hombar balok ni bangsongKi.

JOEL 3:2

PalagutonKu ma sandok bangso jana obanonKu tu Rura Josafat. TimbangonKu ma parkaro ni halahi disi domu tu hajahatanna maradopkon bangsongKu angke dibagi-bagi halahi do tano Israel jana dibuang halahi bangsongKi tu luat na marragam.

ZEPANYA 1:14

Madung donok ari paruhuman ni Tuhan, olo da, madung donok sajo do, lalu ne ma i manigor. Gok hapaeton do ari i, salang angka ulu balang pe angkon gabe mangangguki.

PILIPPI 3:2

Jagohon hamu ma dirimunu maradopkon angka anjing i, jagohon hamu ma dirimunu maradopkon angka panyunat na so tutu.

2 PETRUS 3:7

Tapi anggo langit dohot tano na saonnari on, i ma na giot abiskonon dohot api saulahon, dipauli-uli Debata dope i laing markite-hite hataNia anso nisimpan lopus dapot hatihana niuhuman jana nimatehon sudena angka jolma na so porsaya tu Debata.