JOEL 3:13 - BIBEL JAMITA NA DENGGAN

¹³ Na lobi do jahat ni halahi; rabi ma halahi songon gandum na matobang di ladang. Ropuk ma halahi songon anggur di pangilangan na bubung lopus masabur.

JOEL 3:13 Iomraidhean Croise

PAMUNGKAAN 13:13

Na jahat do halak Sodom jana mardosa maradopkon Tuhan.

PAMUNGKAAN 15:16

Dung opat sundut pe anso mulak mangulahi pomparanmu tuson, angke nada paorotonKu dope halak Amori painte so santak jahat ni halahi anso tumbuk uhumon.”

PAMUNGKAAN 18:20

Dung i didok Debata ma tu si Abraham, “Adong do tuhas-tuhas na borat tu Sodom dohot Gomora, jana na lobi dokdok do tehe dosa ni halahi.

JESAYA 17:5

Songon saba na dung nisabi noma Israel, jana songon lungun ni ladang na di Rura Refaim muda dung salpu sabion.

JESAYA 63:3

“Huporo angka bangso songon anggur, nada adong na ro mangurupi. Sasada Au do mangkarejohonsa; di bagasan murukKu Hudege-dege halahi. Mamincar mudarna i, mangaehi bajungKi, pahodarkon sude pakeanKi.

JEREMIA 51:33

Nada pola sadia honok nari taluhononna ma halahi jana didege-dege musuna songon gandum di inganan pardegean. Au Tuhan Na Markuaso, Debata ni Israel, madung mandok songon i.”

ANDUNG 1:15

Layas do sude diida Tuhan ulu balangku na garang i. Ditongos Ia tentara anso mate sude sian au doli-doli. Dipisat Tuhan do bangsongku lopus maropuk, songon pambaen ni halak na mamoro anggur.

HOSEA 6:11

Taringot tu hamu ale halak Juda, madung Hutontuhon hatihana manguhumi hamu laing hara ni parbuatanmu.”

MATEUS 13:39

Alo ni na manyabur simareme-eme i, i ma Sibolis. Sabion i ma ajal ni hasiangan. Angka panyabi i, i ma angka surusuruan.

MARKUS 4:29

Jadi dung masak eme i, aha dope, dipungka bayo i ma manyabisa. Harana ma dapot hatihana manyabi.”

PANGARATAION 16:9

“Sian ari parjolo hamu mamungka manyabi gandum, etong hamu ma pitu minggu,

HALUMBAAN 14:14

Dung i huparrohahon ma, gabe huida ma ombun na bontar. Juguk ma di ombun i songon Anak Ni Jolma do idaon rupaNa. Adong do di uluNa i sada tuku sere jana di tanganNa i sada sasabi na tajom.

HALUMBAAN 19:15

Ruar ma sian pamanganNia i sada podang na tajom, jana podang i ma baenonNia manaluhon angka bangso jana parentaonNia ma halahi dohot tungkot bosi. PoroonNia ma anggur di panggilingan ni anggur haririmas ni Debata Parkuaso Na Sumurung i.