JOEL 3:12 - BIBEL JAMITA NA DENGGAN

¹² Didok Tuhan dope, “Angkon markobas do angka bangso lalu kehe tu Rura Josafat. Disi ma uhumanKu angka bangso, Au Tuhan manguhumi hombar balok ni bangsongKi.

JOEL 3:12 Iomraidhean Croise

2 JUJUR TAON 20:26

Di ari paopatkon marlagut ma halahi sude di Rura Beraka jana dipuji halahi ma Tuhan hara ni sude na nibaenNa i. I do dalanna umbaen na digoari rura i “Beraka”.

MASMUR 7:6

O Tuhan jongjong ma Ho di bagasan rimasMu, alo ma panggosa ni musungku. Jongjong ma Ho jana urupi ma au, angke Ho do na manjalaki hatigoran.

MASMUR 96:13

Dibaen ro do Tuhan mangarajai tano on, marhite hatigoran diuhumi Ia angka bangso.

MASMUR 98:9

Angke na ro do Ia laho manguhumi tano on; marhite hatigoran diadili Ia angka bangso.

JESAYA 2:4

Angkon gabe panguhum do Ia ditonga-tonga ni angka bangso jana gabe juri tu marga ni bahat bangso; anso ditopa halahi ma angka podangna gabe mata ni bajak jana angka tombakna manjadi piso cukur; nasa bangso nada be mangangkat podang maralohon bangso, jana nada be marsiajar marporang halahi.

JESAYA 22:1

On ma alatan taringot tu Rura Halumbaan: O hamu na maringanan di Jerusalem, biasi manaek hamu sude tu tarup ni bagas?

JESAYA 3:13

Madung rade Tuhan laho mangaduhon jana mangadili angka bangso.

JEHESKIEL 30:3

Madung donok ari ni Tuhan, ari na golap, hatihana ma di angka bangso manjagit uhuman.

JEHESKIEL 39:11

Didok Tuhan ma: “Muda tarjadi sudena i, lehenonKu ma tano kuburan tu si Gog di tano Israel. Di Rura Panariparan na di Habincaran ni Laut Mate. Disi ma kuburkonon si Gog dohot angka tentarana i, jana baenon ma goar ni rura i, ‘Rura Ni Parangan ni si Gog.’

JOEL 3:14

Marribu-ribu jolma na ro di Rura Josafat i. Angke manigor ro noma disi ari ni Tuhan i.

JOEL 3:2

PalagutonKu ma sandok bangso jana obanonKu tu Rura Josafat. TimbangonKu ma parkaro ni halahi disi domu tu hajahatanna maradopkon bangsongKu angke dibagi-bagi halahi do tano Israel jana dibuang halahi bangsongKi tu luat na marragam.

MIKA 4:3

Putuskonon ni Tuhan ma parkaro antara ni bahat bangso na adong di tano, antara ni angka harajaan na gogo, na donok pe dohot na dao. Topaon ma podang gabe bajak piso parpangkas manggonti tombak. Nada be marsiporangan angka bangso, nada be markobas kehe manyaroso.

ZAKARIA 14:4

Jongjong ma Ia di ari i di Dolok Zetun, sabola Habincaran ni Jerusalem. Jadi gabe mabola ma Dolok Zetun i mamungka sian Habincaran lalu tu Hasundutan baenon ni holbung na bidang. Manggulot sabola Utara ma satonga sian dolok i, jana satonga nari tu Selatan.

HALUMBAAN 19:11

Dung i huida ma mungkap banua ginjang, haruar ma sada kudo na bontar, jana na juguk di ginjangna i margoar, “Na Setia dohot Na Sintong,” jana markite-hite hatigoran do Ia manguhumi dohot marporang.