JOEL 2:6 - BIBEL JAMITA NA DENGGAN

⁶ Muda mandonok halahi, sude halak mabiar, sude tompana langan jana lombam.

JOEL 2:6 Iomraidhean Croise

MASMUR 119:83

Markerut huling-kulingku songon inganan ni anggur na buruk, tapi anggo hatontuan na nibaenMu nada huhalupahon.

JESAYA 13:8

Didondoni biar ma halahi sudena jana marngeati hancitan, songon ina na manubuhon dakdanak. Marsiligi-ligian ma halahi sak be rohana, marrarai bohina i hara ni ilana.

JEREMIA 30:6

Uji hamu ma jolo mamikiri dohot pamanatkon! Tarbaen ma he halaklahi manubuhon dakdanak? Antong anggo songon i, biasi Huida ganop halaklahi marbohi na langan boti jana maniop butuhana dohot tanganna songon dadaboru na giot manubuhon anakna?

JEREMIA 8:21

Magopu rohangku hara ni hancit ni nyae ni bangsongku, marsak jana mandele rohangku.

ANDUNG 4:8

Hape saonnari payak do halahi nada ditanda be di dalan lumomlom bohina sian hagolapan. Markerut huling-hulingna i di holi-holina, songon hayu na mahiang pora-pora.

NAHUM 2:10

Gariang, hagariangon dohot parkancitan! Hancit ate-ate hara ni jorbutna. Humitir totna hara ni galena. Bohi i langan hara ni biarna.

NAHUM 2:11

Ma di dia kota i saonnari, kota na tudos tu liang parasaran ni singa i, inganan ni angka anak ni singa dilehen mangan, inganan situjuon ni singa boru-boru dohot jantan, inganan ni anak ni singa sonang so haribo-riboan?