JOEL 2:2 - BIBEL JAMITA NA DENGGAN

² Manggolap do ari i jana mangalomlom, ari na gok ombun dohot hagolapan. Songon sinondang ni mataniari manyogot di ginjang ni angka tor, sada bangso na bahat jana na gogo. Na so unjung masa dope i; jana sapanjangna nada masa be i.

JOEL 2:2 Iomraidhean Croise

MASMUR 10:6

Ning rohania di bagasan, “Karejongku nada adong sundatna, nada hona mara salolotna.”

MASMUR 97:2

Ombun dohot hagolapan manggupgupi Ia, hatigoran dohot uhum do ojahan ni pangarajaionNia.

HARURUAR 10:14

Marrongom do siapor i ro marbahat-bahat pola gok sude tano Mesir ditutupi halahi. Nada unjung dope diida halak siapor na pola songon i bahatna, jana nada idaon be na songon i.

HARURUAR 10:6

Gohan ni siapor i ma bagas godangmu, bope bagas ni angka menterimu dohot rayatmu. Jumorbut dope bala on sian angka na dung masa tu ompumunu.’ ” Dung i dihudukkon ia ma raja i jana kehe ma ia.

HARURUAR 20:21

Tapi anggo angka jolma i laing mandao-dao do jongjong, jana hum sasada si Musa sajo do na mandonohi ombun na golap i di inganan parmianan ni Debata.

JESAYA 5:30

Anggo di ari i tarbege ma di sude Israel parngiar ni porang sagogo ni ombak ni laut bidang. Ligi da, manggolap ma sudena luat i jana gok hasusaan. Gabe hagolapan marimpot-impot noma na torang i.

JESAYA 8:22

sanga tu tano, umpe bagi aha idaon ni halahi asing sian hasusaan dohot hagolapan maradu haholomon na mandondoni, jana tu inganan na songon i ma halahi ditogu.

JEREMIA 13:16

Angkon parsangaponmu do Tuhan Debatamu taran so diparo Ia hagolapan, taran so tartuktuk patmunu di angka dolok, jana na torang na niarop ni rohamu digonti Ia gabe hagolapan.

JEREMIA 13:6

Dung adong sadia honok, disuru Tuhan ma au mangulahi tu Batang aek Efrat laho mambuat bobat abit i.

ANDUNG 1:12

“O hamu angka halak na mamolus di dalan, ligi pe da jana parrohahon. Adong dehe godang ni parkancitan songon na hutaon saonnari, hara ni muruk ni Tuhan i?

JEHESKIEL 32:7

Taran Huabisi ho, holipanKu ma langit jana angka bintang pe rambon baenonKu. Mataniari i Hubunihon di balik ni ombun jana bulan i pe nada marsinondang.

JEHESKIEL 34:12

songon panjalahi ni sada parmahan jana na palagutkon angka biri-birina na marserak i lalu dipature-ture ia. ObanonKu ma halahi mulak sian sude inganan parserahan ni halahi di ari na golap jana na sial i.

JEHESKIEL 38:9

Ro ma ia dohot tentarania dohot bahat bangso mangudurkon ia mamorangi songon halingsungsung lalu mangalingkup luat i sude songon ombun.”

DANIEL 12:1

Didok surusuruan na marpakean linen i ma mangulahi, “Tarida ma di hatiha i Mikhael surusuruan na godang pangondian ni bangsomi. Dung i masa ma hasusaan na so adong tudosanna dope mamungka adong angka bangso. Tapi sandok halak na sian bangsomu na tarsurat goarna di bagasan Buku i, paluaon ma i.

DANIEL 9:12

Tigor do pambaenanMu laing songon na nijanjihonMu tu hami dohot tu angka na markuaso di hami. Umposi do uhumMu tu Jerusalem martimbangkon angka kota na adong di tano on.

JOEL 1:6

Ro do parangan ni angka bangso laho mamorangi tanongku; na gogo jana nada habilangan bahatna; iponna pe tajom songon ipon ni singa jara-jara, jana saitna songon sait ni singa boru-boru.

JOEL 2:25

GontionKu ma sude angka taon-taonmu, i ma angka suhana. Na dung abis dibaen siapor, siapor na sompor na pangabiskon, tantarangKu na bahat na Hulehen tu tonga-tongamunu.

JOEL 2:31

Manggolap ma mataniari jana bulan pe marrara songon mudar dompak so dapot ari ni Tuhan i, i ma ari na godang jana sihabiaran!

JOEL 2:5

Muda mangalumpat-lumpat halahi di partoran, sorana i suman tu pargaruntang ni kareta di porang, jana songon parsesek ni api na marjilam-jilam, na manutung durame. Marbaris do halahi songon parangan na gogo-gogo, na dung hobas kehe marporang.

JOEL 3:4

Na giot bia do baenonmu Au, ale Tirus, Sidon, dohot sandok Luat Pilistin? Na giot palalu hosom dehe ho tu Au? Jagit ma pamalosonKu na tompu harorona muda dibaen ho na songon i.

AMOS 4:13

Dolok dohot alogo, Tuhan do manompasa; dipabotohon Ia do sangkapNia tu jolma manusia. Diuba Ia do arian gabe borngin, jana di puncu ni angka dolok Ia mardalani. Tuhan, Debata Na Markuaso, i do goarNia.

ZEPANYA 1:7

Mian ma hamu di jolo ni Tuhan Debata! Angke madung donok ari ni Tuhan. Tutu madung dipasingkop Tuhan sihaulkonon i jana madung diparbadiai angka na diontangNia i.

ZAKARIA 14:6

Anggo di ari na sasada i nada adong be ari na ngali sanga pe es,

MATEUS 24:21

Angke disi ma masa hasusaan na lobi godang na so unjung masa dope mamungka sian mula-mula ni portibi on lopus tu sadari on. Dung salpu i, nada masa muse be na songon i.

MARKUS 13:19

Harana anggo di hatiha i masa ma hasusaan na godang situtu na so unjung masa dope i di tano on dung ditompa Debata tano on lopus tu sadari on, jana nada masa be songon i tu pudi on.

PANGARATAION 32:7

Ingot ma ari na salpu, hatiha najoloan, barita di parningotan laing tarsimpan, sapai angka amantamunu, sude angka na masa na salpu, sapai ma angka hatobangonmunu, anso dipaboa tu hamu angka na masa na salpu.

IBRANI 12:18

Nada pola diadopi hamu songon na masa tu halak Israel najolo. Anggo halahi diadopi halahi do na bolas nijama, i ma Dolok Sinai dohot api na marnyala-nyala i; diadopi halahi do hagolapan, haholomon bope halingsungsung;

JUDAS 1:13

Laing tarsongon ombak ni laut na margubo-gubo, laing songon i ma halahi paila-ilahon markite-hite angka parange ni halahi. Songon angka binatang na mardalan di ramba i do halahi jana na dung diparade Debata do inganan di halahi salolot-lolotna di hagolapan na jumorbut.

HALUMBAAN 9:2

Gabe diungkap bintang i ma rura ni hamatean i, gabe ruar ma sian bagasan songon timus ni purunan na godang. Gabe manggolap ma awang-awang i dohot mataniari dibaen timus na sian rura i.