JOEL 2:19 - BIBEL JAMITA NA DENGGAN

¹⁹ Dialusi Ia ma halahi, songon on didok Ia, “Saonnari Hulehen ma di hamu sude: gandum, anggur dohot miak zetun baen panganonmunu be, anso sude hamu gabe butong be. Nada padiaronKu marlayas hamu sanga sipartataan ni angka bangso.

JOEL 2:19 Iomraidhean Croise

JEREMIA 31:12

Marroan ma halahi tu Dolok Sion jana marende disi marjop ni roha, hara ni sude na Hulehen tu halahi: gandum, miak, anggur dohot biri-biri. Tudos ma halahi tu kobun na tuk aekna, jana na so hurangan di bagi aha.

JEHESKIEL 34:29

PanapuonKu angka ladang ni halahi anso ulang masa be haleon di luat i. Nada marlayas be halahi baenon ni angka bangso na asing.

JEHESKIEL 36:15

Nada padiaronKu be hata-hatahonon ni halak hajorbuton na nibaen ni angka bangso maradopkon ho, jana nada tanggungonmu be incak-incak ni angka bangso jana nada agohononna be bangsomu, ninna Tuhan Debata.’ ”

JEHESKIEL 36:29

PaluaonKu ma hamu sian sasude na pahodar hamu. LehenonKu ma parenta tu gandum anso simbur tubu anso ulang be ro haleon mangalingkup hamu.

JEHESKIEL 36:30

Mur napu baenonKu bona ni suan-suananmunu jana tamba suha ni angka ladangmunu, anso ulang be bolusonmunu haleon na pajatjat goarmunu di tonga-tonga ni angka bangso.

JEHESKIEL 39:29

UsehononKu ma tondingKu tu bangso Israel jana nada be tadingkononKu halahi. Au Tuhan Debata madung mandok songon i.”

HOSEA 2:15

PaulahonKu ma tusia angka kobun anggurna, jana Rura Akhor baenonKu ma gabe pintu ni arop ni roha. Sambutonnia ma Au disi songon di haposoonna, tingki baru haruar ia sian Mesir.

HOSEA 2:21

Jadi di hatiha i, ninna Tuhan, tangihononKu ma langit, jana langit tangihononna ma tano on.

HOSEA 2:22

Giot tangihonon ni tano on ma gandum, anggur dohot miak, jana tangihonon ni halahi ma Jisreel.

JOEL 1:10

Tarulang angka ladang jana marhancit, hauma pe marsak boti sai susa; dibaen gandum madung sude, mahiang bona ni anggur umpe marbatu be, miak pe ma giot abis.

JOEL 2:24

Jadi marisi gandum mangulahi pardegean; anggur dohot miak zetun marsabur-sabur di panggilingan.

HAMALIMON 26:5

Suha ni tanomunu gabe marlipat ganda, pola tehe dung dapot hatihana mambuat batu ni anggur, laing manyabi dope hamu. Jana dung dapot hatiha manyabur same ni gandum, laing mambuat batu ni anggur dope hamu. Gabe tuk ma panganonmunu jana sonang ngolumunu di luatmunu.

ZAKARIA 8:12

Di bagasan sonang noma halahi i manyabur same. Marbatui ma angka bona ni anggur ni halahi, lehenon ni tano i ma suhana, jana langit mangalehen aek ombun. LehenonKu ma pasupasu i tu angka jolma na mangolu dope sian bangso on.

MATEUS 6:33

Sai jumolo ma jalahi hamu Harajaan Ni Debata dohot hatigoranNa, jadi lehenonNia ma di hamu sasude na songon i.

PANGARATAION 11:14

Muda dibaen hamu songon i, gabe paroon ni Tuhan ma udan tu tanomunu i di hatihana, dung sidung hamu manyabi dohot di na mamungka hamu manyuan. Gabe tuk ma di hamu gandum, anggur dohot miak zetun,

RUT 1:6

Dung adong sadia lolot dibege si Naomi ma na dung mamasumasu Tuhan tu bangsoNa marhite suha ni panen na denggan. Jadi hara ni i gabe disangkaphon si Naomi ma laho kehe rap dohot parumaennia na dua i manadingkon Moab.