JOEL 2:18 - BIBEL JAMITA NA DENGGAN

¹⁸ Jadi mangulahi ma dipareso Tuhan tanoNia i jana dihaholongi Ia bangsoNia.

JOEL 2:18 Iomraidhean Croise

2 RAJA-RAJA 19:31

Adong ma angka jolma na malua di Jerusalem dohot di ginjang ni Dolok Sion, angke madung ditontuhon Tuhan anso tarjadi songon i.”

MASMUR 103:13

Songon asi ni roha ni ama-ama mida angka anakna do, asi ni roha ni Tuhan di angka na manghabiari Ia.

MASMUR 103:17

Tapi laing holong do roha ni Tuhan mida na sai porsaya, marsundut-sundut do mardalan hadenggananNa,

JESAYA 37:32

Di Jerusalem dohot di ginjang ni Dolok Sion adong ma angka halak na malua, harana madung ditontuhon Tuhan Na Markuaso i angkon tarjadi na songon i.

JESAYA 42:13

Ruar do Tuhan marporang songon ulubalang, madung hobas Ia, gogo do rohaNia laho marporang. Digora Ia ma pio-pio di parporangan, patuduhon kuasoNia di paraloan.

JESAYA 60:10

“Bangunon ni halak sileban ma tembokmu mangulahi, jana angka raja noma mangoloi ho disi. Najolo Huuhumi ho hara ni murukKu, tapi saonnari tumbuk do ho siiboan ni rohangKu.

JESAYA 63:15

Ale Tuhan, tatap ma hami sian banua ginjang, sian ingananMu na badia jana marmulia. Di dia do pangiburuMu dohot hagogoonMu? Di dia do holong dohot ibo ni rohaMu? Di dia do diparrohahon Ho hami? Ulang ma nian manghohom Ho tu hami.

JESAYA 63:9

sian sude hasusaan ni halahi. Nada tongoson ni Tuhan suruan sanga duta, Ia sandiri do paluahon halahi. Sian narobi do dipature-ture Ia halahi hara ni holong dohot ibo ni rohaNia.

JEREMIA 31:20

O Israel, ho do anak hasianKu, anak haholongan, tampuk ni pusu-pusungKu. Ganop Huondam ho sai lungun do rohangKu marningot ho. Gok ibo ni roha do giot baenonKu tu ho.

ANDUNG 3:22

Hot do manongtong holong dohot asi ni roha ni Tuhan,

ZAKARIA 1:14

jana disuru surusuruan i ma au palaluhon sanga aha na nidok ni Tuhan Na Markuaso i, “Holong situtu do rohangKu mida kota Jerusalem, jana Huparrohahon situtu do kotangKu na badia i.

ZAKARIA 8:2

Songon on do hata ni Tuhan Na Markuaso i, “Por sajo do rohangKu nian mangurupi Jerusalem, angke holong situtu do rohangKu mida halak pangisina i, jana hara ni holong ni rohangKi gabe gilap do ate-atengKu paida-ida angka musu ni kota i.”

LUKAS 15:20

Dung i jongjong ma ia, torus mulak mandapotkon amangna. Sian na dao dope madung diida amangnia i ia. Ibo sajo ma roha ni amangna i midasa, marlojong ma amangna i mangalo-alo ia, dihaol jana diumma ma ia.

PANGARATAION 32:16

Marsomba halahi tu patung, gabe mangiburu ma Tuhan. Gurgur ma murukNa dibaen hajahatan i.

PANGARATAION 32:36

Paluaon ni Tuhan ma bangsoNa, jana haholonganNia angka naposoNa, muda diida Ia halahi gale-gale, jana abis gogona sude.

PANGARATAION 32:43

Pasangap ma bangso ni Tuhan i, hamu ale angka bangso, sude na mamunu halahi uhumonNa do. PalaluonNa hosom tu musuna tapi ampunanNia do anggo dosa ni bangsoNa.”

JAKOBUS 5:11

Hara ni sobarna halahi gabe dohonon ma halahi na martua. Diboto hamu do sanga na bia hasobaron ni si Job, jana diboto hamu do sanga na bia di ujungna dipasupasu Tuhan ia. Angke parasi roha na sumurung do Tuhan jana na denggan roha.

HAKIM-HAKIM 10:16

Dung i diparambungkoni halahi ma sude patung sombaon, lalu marsomba halahi tu Debata. Jadi gabe ibo ma roha ni Debata paida-ida halahi na di hasompitan i.