JOEL 1:4 - BIBEL JAMITA NA DENGGAN

⁴ Punguan ni siapor na so taretong bahatna, songgop di ladang mamangani suan-suananna. Sanga aha na tading dibaen punguan na sada, abis muse ma i dipangan na di pudina.

JOEL 1:4 Iomraidhean Croise

1 RAJA-RAJA 8:37

“Muda masa ma di luat on, haleon sanga bala, suan-suanan pe disego-sego angin na milas, wereng sanga siapor, muda diporangi musu bangsoMi sanga hona nyae,

2 JUJUR TAON 6:28

“Muda masa di luat on haleon dohot bala, sanga disego-sego alogo na milas suan-suanan sanga bala siapor, sanga muda diporangi musuna bangsoMu, sanga hona nyae,

2 JUJUR TAON 7:13

Muda nada Hupaijur udan sanga Hutongos siapor laho mangabiskon suha ni tano sanga Huparo nyae masa tu bangsongKu,

MASMUR 105:34

Didabu Ia parenta, gabe marroan ma siapor, maradu bahat bilanganna jabat nada taretong.

MASMUR 78:46

Diparo Ia angka siapor, na pasudehon suan-suanan dohot na pasego ladang.

HARURUAR 10:4

Muda laing gagaanmu, ancogot paroonKu ma siapor tu luatmon.

HARURUAR 10:5

Bahat situtu ma siapor, lopus ditutup halahi sude tano i. Papanganan ni siapor i ma sude na so sego dibaen ambolas i, salang angka batang ni hayu na tinggal i papanganan ni halahi.

JESAYA 33:4

Rampason noma sinadongan ni halahi jana obanon gabe taban-taban.

JEREMIA 51:14

Marsumpa do Tuhan Na Markuaso i mangasahon goarNa sandiri bahaso na giot tongosonNia jolma sabahat ni siapor laho manyerang Babel jana marsurak ma halahi manyurakkon hamonangan.

JEREMIA 51:27

“O ale raja na sian Utara! Lehen ma tanda laho manyerang! Palu ma sarune anso dibege angka bangso! Arahon ma angka bangso laho marporang mangalo Babel! Suruhon ma harajaan Ararat, Mini dohot Askenas manyerang. Angkat ma sada halak ulubalang laho manguluhon porang i. Oban ma kudona sabahat ni siapor.

JOEL 2:25

GontionKu ma sude angka taon-taonmu, i ma angka suhana. Na dung abis dibaen siapor, siapor na sompor na pangabiskon, tantarangKu na bahat na Hulehen tu tonga-tongamunu.

AMOS 4:9

Huombuskon alogo na milas mamatehon angka suan-suanan. Siapor na mangabiskon bona ni anggur, bona ni ara, bona ni zetun dohot suan-suanan na asing di angka kobunmunu. Haru pe songon i, laing nada mulak hamu tu Au.

AMOS 7:1

On ma na dipatidahon ni Tuhan Debata tu au: Huida ma Ia manjadihon siapor na sun bahatna di hatiha simpul halak manyabi ruput di raja i, jana mamungka muse martumbur ruput na imbaru.

MALEAKI 3:11

SonggakonKu ma angka siapor na sompor, anso ulang dipangabis ia angka suha ni tanomu jana ulang jabat nada marbatu angka bona ni anggurmu, ninna Tuhan Na Markuaso.

PANGARATAION 28:38

Saburkononmunu ma bahat same, hape saotik sajo do suhana dapot ho, angke papanganan ni siapor do na nisuanmunu i.

PANGARATAION 28:42

Abis ma bona ni hayu dohot suan-suananmunu panganon ni angka siapor.