JOEL 1:2 - BIBEL JAMITA NA DENGGAN

² Hamu angka na tobang-tobang, tangihon hamu ma; parrohahon ma sude hamu pangisi ni luat on! Unjung dehe tarjadi songon on di hatihamunu sanga dompak di ngolu ni angka ompumunu?

JOEL 1:2 Iomraidhean Croise

JOB 12:12

Ninna, di halak siginjang umur do bisuk dohot roha. Hape anggo bisuk dohot gogo hum adong di Debata sajo ma. Tutu adong ma parbinotoan di halak na matobang, hape anggo pangastuion dohot kuaso laing di Debata do sapanjang!

JOB 15:10

Sian halak na ubanon do hami jagit bisuk on; na dung adong do halahi taran so adong amanta ho!

JOB 21:7

Biasi lehenon ni Debata umur na ginjang tu parjahat, jana arta sinadonganna pe mur mabahat?

JOB 8:8

Halak na daulat di na robi, ingotonmu do nian sugari, jana sihiranmu pangalaman ni angka ompu di na robi.

MASMUR 49:1

Tangihon ma sude angka bangso, patinggil ma pinggolmunu, hamu pangisi ni tano on,

JESAYA 34:1

Ro ma hamu angka bangso marlagut, jana tangihon hamu ma. Marroan ma na satano on dohot sandok na mangolu di bagasanna manangihon.

JESAYA 7:17

Paroon ni TUHAN ma raja ni Asur, jadi daionmu ma angka ari na gok hasusaan, ho dohot rayatmu, umjorbut sian na dung jungada dibolus hamu mamungka sian dung mabola harajaan Israel dohot Juda.

JEREMIA 30:7

Madung dapot ari na jorbut, ari na so adong tudosanna. Anggo di bangsongKi ari i ma na mambaen sak ni roha; tapi paluaonKu do halahi.”

JEREMIA 5:21

“Hamu halak na bodo dohot na so marpikiran tangihon hamu! Adong do matamunu tapi nada marnida, marpinggol do nian tapi nada marbinege!

DANIEL 12:1

Didok surusuruan na marpakean linen i ma mangulahi, “Tarida ma di hatiha i Mikhael surusuruan na godang pangondian ni bangsomi. Dung i masa ma hasusaan na so adong tudosanna dope mamungka adong angka bangso. Tapi sandok halak na sian bangsomu na tarsurat goarna di bagasan Buku i, paluaon ma i.

HOSEA 4:1

Adong do parkaro ni Tuhan dohot halak luat on. Tangihon ale Israel, sanga aha na nidokNia, “Nada adong na tutu, nada adong holong ni roha jana halak luat on pe nada dioKu Au Debata.

HOSEA 5:1

Didok Tuhan ma, “Tangihon hamu ma ale angka malim! Parrohahon ma ale halak Israel! Bege ma, ale hamu angka jolma pomparan ni raja! Madung didabu uhum tu hamu. Angke, sapatutna nian angkon tigor do hamu manguhumi, hape balikna i do gabe tudos tu jorgong do hamu di Mispa, songon jorat di Dolok Tabor,

JOEL 1:14

Parentahon bangsomi anso puaso, patupa hamu ma sada ari parpunguan bolon! Ontang ma angka pamimpin maradu hatobangonna maradu sude angka na maringanan di luat on, anso marroan tu Bagas Ni Tuhan Debata, laho martangiang jana pio-pio mangido tolong tuSia.

JOEL 2:2

Manggolap do ari i jana mangalomlom, ari na gok ombun dohot hagolapan. Songon sinondang ni mataniari manyogot di ginjang ni angka tor, sada bangso na bahat jana na gogo. Na so unjung masa dope i; jana sapanjangna nada masa be i.

AMOS 3:1

Tangihon hamu ma tona ni Tuhan on, ale bangso Israel na nioban ni Tuhan haruar sian Mesir. Didok Tuhan do,

AMOS 4:1

Tangihon hamu ma, ale angka boru Samaria, na mur mamokmok songon angka lombu Basan! Dipisat hamu do halak na gale, halak na pogos diporo hamu, jana sai digogohon hamu anso diparade halaklahimu tongtong inumon na koras di hamu!

AMOS 5:1

Tangihon ma ale bangso Israel! Giot endehononKu sada ende arsak di hamu:

MIKA 1:2

Tangihon hamu ma, ale angka bangso! Parrohahon ma, ale angka na mangingani tano! Masuk do Tuhan Debata tu paruhuman gabe saksi mangalo hamu sudena! Tangihon ma Ia mandok hata sian bagasNia Na Badia i.

MIKA 3:1

Tangihon hamu ale angka parkuaso ni Israel! Sapatutna nian angkon porluhononmunu do hatigoran,

MIKA 3:9

Tangihon hamu ma angka hatangkon, ale hamu angka parkuaso ni Israel na magigi mida hatigoran jana na pabalik-balikkon na tutu.

MATEUS 13:9

Sanga ise na marpinggol, ditangihon ia ma!”

MATEUS 24:21

Angke disi ma masa hasusaan na lobi godang na so unjung masa dope mamungka sian mula-mula ni portibi on lopus tu sadari on. Dung salpu i, nada masa muse be na songon i.

HALUMBAAN 2:7

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangankon parbatu ni hayu hangoluan, na di Pirdaus.”