JOEL 1:18 - BIBEL JAMITA NA DENGGAN

¹⁸ Marngiak pahan-pahanan; jana gaor angka lombu angke nada adong be ruput pajampalanna; songon i dohot biri-biri gabe tarsonggot.

JOEL 1:18 Iomraidhean Croise

1 RAJA-RAJA 18:5

Didok si Ahab ma tu si Obaja, “Beta ma tabolusi sude luat on jana tajalahi ma mual dohot batang aek; betak na adong do dapot hita ruput di kudo dohot bagalta anso ulang pola adong na jabat tamatehon sian pahan-pahananta i.”

1 RAJA-RAJA 8:5

Raja Salomo dohot sude halak Israel, marlagut ma di jolo ni Poti Parjanjian i laho pasahatkon tu Tuhan, biri-biri dohot lombu bahat situtu jabat nada taretong hara ni bahatna.

JEREMIA 12:4

Sadia honok nari mahiang luat on jana malos duhutna i di sandok ladang? Marmatean angka unggas dohot binatang na asing i patunda ni hajahatan ni bangsonami. Didok halahi, “Nada diida Debata pambaenanta.”

HOSEA 4:3

Jadi hara ni i gabe mahiang ma luat on, jana mate noma sandok na mangolu disi. Susa ma sude ragam ni binatang na di awang-awang, na di darat dohot na di laut.”

JOEL 1:20

Salang binatang riar pe angka na di harangan, pio-pio do tu Ho mangido partolongan. Nada be margogo halahi pasombu nguasna, angke mahiang do angka batang aek sasudena.

AMOS 1:2

Didok ia, “Marngaur Tuhan sian Dolok Sion. Mangaronggur soraNia sian Jerusalem. Hiang ma angka duhut di padang, duhut pe di Dolok Karmel maradu mahiang.”

HABAKUK 3:17

Haru pe nada marbatu bona ni ara jana bona ni anggur pe soada batuna, haru pe nada mandapot zetun di pambuatna dohot gandum di ladang nada marsuha, haru pe biri-biri marmatean sudena, jana nada marisi pahan-pahanan be barana.

HAGAI 1:10

I ma da boncirna umbaen na ditiopi langit i ombunna, jana ditiopi tano i suhana.

SURAT NI SI PAULUS TU PARLAGUTAN ROM 8:22

Taboto do, lopus tu hatiha on, rap manaon do na nitompa i hara ni pardangolanna, songon ina na manaon na hancit di na giot sorang dakdanakna.