JOEL 1:14 - BIBEL JAMITA NA DENGGAN

¹⁴ Parentahon bangsomi anso puaso, patupa hamu ma sada ari parpunguan bolon! Ontang ma angka pamimpin maradu hatobangonna maradu sude angka na maringanan di luat on, anso marroan tu Bagas Ni Tuhan Debata, laho martangiang jana pio-pio mangido tolong tuSia.

JOEL 1:14 Iomraidhean Croise

2 RAJA-RAJA 10:20

Dung i diparentahon si Jehu ma, “Tontuhon hamu ma sada ari laho manyomba Baal!” Jadi ditontuhon ma ari i

2 JUJUR TAON 20:13

Jadi laing marjongjongan ma sude angka halaklahi ni Juda i rap dohot angka dadaboruna maradu angka dakdanak ni halahi di jolo ni Bagas Ni Debata i.

NEHEMIA 8:18

Pitu ari honokna halahi na marpesta i. Ganop ari disise si Esra ma bagian-bagian ni Tona Ni Debata i. Di ari pasalapankon dipamasa ma panutupna, domu tu paraturan ni Uhum.

ESTER 4:16

“Palagut ma sude halak Jahudi na di Susan anso martangiang salaho tu au. Ulang ma hamu mangan tolu ari tolu borngin lolotna. Au sandiri pe dohot angka bujing-bujing na mangoloi au laing puaso do. Dung sidung i, mangadop ma au tu raja i, haru pe mangalanggar undang-undang do i. Muda angkon mate ma au hara ni i, padiar ma mate au tusi!”

JEREMIA 14:2

“Marsak ma roha ni Juda giot mate ne noma angka kotana. Marpayahan di tano angka halakna jana humolos be rohana. Pio-pio Jerusalem mangido diurupi.

JEREMIA 36:9

Di bulan sambilan taon palimahon dung mamarenta si Joyakim raja ni Juda, puaso ma rayat anso maruli ibo ni roha sian Tuhan. Puaso do sude halak na maringanan di Jerusalem dohot angka halak na ro sian kota-kota na di Juda.

JOEL 1:2

Hamu angka na tobang-tobang, tangihon hamu ma; parrohahon ma sude hamu pangisi ni luat on! Unjung dehe tarjadi songon on di hatihamunu sanga dompak di ngolu ni angka ompumunu?

JUNUS 3:5

Halak Ninive porsaya tu Debata, dung i diumumkon ma puaso jana angka halak na magodang sangape dakdanak mamate abit paboa marsak ni roha.

JUNUS 3:8

Jolma dohot pahan-pahanan angkon mamake abit goni. Songon tanda ni panyolsolion angkon martangiang sude jolma sian situtu ni rohana tu Debata. Angkon padengganonna be pangalahona na jahat i dohot parangena na gok dosa i.

ZEPANYA 2:1

Marsitutu jana marlagut ma, hamu ale bangso na so marjohoman,