JOEL 1:11 - BIBEL JAMITA NA DENGGAN

¹¹ Angka partani gabe maila parkobun anggur pe tama tangis! Angke mangabis gandum dohot eme darat taru hais, jana parbatu sibuaton pe madung dangis.

JOEL 1:11 Iomraidhean Croise

JESAYA 17:11

Tapi haru pe manigor martunas suan-suanan i jana marbunga di ari i di na manyuan i ho, hapengani anggo suhana indangkan na adong buaton. Hum hasusaan do taononmu dohot hahanciton na so ra mago.

JEREMIA 14:2

“Marsak ma roha ni Juda giot mate ne noma angka kotana. Marpayahan di tano angka halakna jana humolos be rohana. Pio-pio Jerusalem mangido diurupi.

JEREMIA 50:16

Ulang paloas hamu jolma disi marsuan-suanan sanga manyabi. Marmulahan noma sude halak na asing na maringanan disi tu tanona be, dibaen mabiar do halahi tu tentara na ro i.”

JEREMIA 9:12

Husapai ma, “O Tuhan, biasi dipadiar luat on harsang jana marogang songon padang halongonan gabe so adong halak na mamolussa? Adong dope he na tuk mangastui sasudena on? Tu ise dehe Hulehen hatorangan anso tarpalalusa i tu halak na asing?”

JEHESKIEL 30:2

“Ale anak ni jolma, manyurirangi ma ho jana dokkon ma, “Songon on ma hata ni Tuhan Debata, mangandung ma ho: I ale! Madung ro arina.

AMOS 5:16

Didok Tuhan, Debata Na Markuaso i ma, “Di angka dalan ni kota, mangandungi ma halak jana humolos hara ni arsakna. Salang partani pe piohononna anso dohot tangis rap dohot halak na diupai laho mangandungi jolma na mate.

SURAT NI SI PAULUS TU PARLAGUTAN ROM 5:5

Nada pailaon be hita hara ni arop ni roha na songon on, harana madung digohi Debata rohanta i dohot holong ni rohaNia. Markite-hite Tondi Parbadia do dibaen Debata songon i, i ma Tondi na nilehenNia tu hita.