JEREMIA 4:3 - BIBEL JAMITA NA DENGGAN

³ Didok Tuhan ma tu halak Juda dohot Jerusalem, “Karejohon hamu ma tanomunu na so dikarejohon dope; ulang sabur hamu same ditonga-tonga ni duri-duri.

JEREMIA 4:3 Iomraidhean Croise

PAMUNGKAAN 3:18

Partubuhonon ni tano i ma ramba-ramba dohot duri jana simarata noma sipanganonmu.

HARURUAR 23:11

Tapi anggo taon papituhon, angkon padiaronmunu do tano i. Anggo di na sataon i, ulang palagut hamu sanga aha na tubu sandiri di ladangmunu i. Padiar hamu ma i di angka na pogos sian hamu, jana asingna i padiar dipangan binatang harangan. Laing songon i ma baen hamu dohot tu kobun anggur bope tu angka bona ni zetunmunu.

HOSEA 10:12

Hudok ma, ‘Ale Israel! Buka ma ladang na imbaru di ho, sabur ma tusi same hatigoran, jana buat ma suha ni situtu ni rohamu mangkaholongi Au. Dibaen madung dapot hatihana mulak jana jalahanmu Au, Tuhanmu. Anso ro noma Au jana duruskononKu songon udan tu ho angka pasupasungKu.’

MATEUS 13:22

Same na madabu tu tonga-tonga ni duri i, i ma tarsongon halak na mambege jamita i, tapi humolos ma halahi hara ni ngolu ni halahi. Sai giot marlobi-lobi do ngolu ni halahi. Jadi tarhapit ma jamita i di bagasan roha ni halahi, gabe nada marbatu.

MATEUS 13:7

Adong muse ma na madabu tu antara ni duri-duri. Mur magodang ma duri-duri i gabe tarhapit ma same i.

MARKUS 4:7

Adong muse ma same i na madabu tu tonga-tonga ni duri-duri. Mur magodang ma angka duri i, mur tarhapit ma same na dung tubu i gabe nada ra marbatu.

LUKAS 8:14

Same na madabu tu tonga-tonga ni duri i, manggambarkon angka halak na manangihon hata i tapi ganggu do roha ni halahi jana por roha ni halahi di sinadongan boti lungun roha ni halahi marsonang-sonang di tano on. Sudena ma i mangkapit halahi mambaen halahi nada marbatuhon parbatu na matoras.

LUKAS 8:7

Adong muse ma same i na madabu tu tonga-tonga ni angka duri. Mur magodang ma angka duri i rap dohot angka same na tubu i.