JEREMIA 19:3 - BIBEL JAMITA NA DENGGAN

³ Dongkon ma, “Tangihon ma hata ni Tuhan, ale raja-raja ni Juda dohot rayat Jerusalem! Songon on ma hata ni Tuhan Na Markuaso, Debata ni Israel: Satutuna paroonKu ma parmaraan tu inganan on, gabe marnginging ma pinggol ni halak na umbegesa.

JEREMIA 19:3 Iomraidhean Croise

1 SAMUEL 3:11

Dung i didok Tuhan ma tusia, “Giot baenonKu na jorbut maradopkon Israel, lopus dut roha ni sandok na umbegesa.

JEREMIA 17:20

Palaluhon tonaNia tu angka raja-raja dohot sude halak Juda maradu sude halak na maringanan di Jerusalem na mamolus sian pintu i.

JEREMIA 6:19

Parrohahon ma ale portibi! Nada ra bangsongKu manjagit pangajaranKu jana nada mangoloi tu Au. Hara ni angka tahi ni halahi, Huparo ma parmaraan tu halahi.

JESAYA 28:19

Dondonan ni siluluton noma hamu mardapot-dapot ganop ari; angkon taononmunu noma i manyogot, arian dohot borngin. Mur jorbut ma pangkilalaanmu muda mur diingot ho hata i.

HALUMBAAN 2:29

Ditangihon na marpinggol i ma na nidok ni Tondi i tu angka parlagutan i!”

MATEUS 10:18

Boanon ni halahi ma hamu tu jolo ni angka parkuaso dohot tu jolo ni raja-raja hara ni na mangihutkon Au. Jana i ma hatiha hadenggananna di hamu laho manyaksihon Au tu halahi dohot tu halak na so mananda Debata dope.

JEREMIA 13:18

Didok Tuhan tu au, “Suru ma raja i dohot namora i mijur sian habangsana i, angke madung madabu tukuna na jeges i sian ulunia.

MASMUR 110:5

Di siamunmu do Tuhan, muda jabat muruk Ia, angka raja pe dironcohon Ia.

MASMUR 102:15

Dihabiari angka bangso noma Tuhan, sandok raja manghabiari kuasoNia,

MASMUR 2:10

Jadi hamu angka raja, parrohahon hamu ma, ingot ma hamu di poda on, hamu ale angka na markuaso!

JEREMIA 19:15

bahaso na nidok ni Tuhan Na Markuaso i Debata ni Israel songon on, “Giot paroonKu noma tu kota on dohot tu angka huta pagaran na humaliangsa sandok parmaraan na dung Husangkaphon humani, hara ni jogal ni rohamunu dohot na so ra hamu manangihon.”

JEREMIA 35:17

Hara ni i, Au Tuhan Na Markuaso, Debata ni Israel, paroonKu ma tu hamu halak Juda dohot Jerusalem – sandok parmaraan na giot dondonkononKu tu hamu, songon na dung Hudokkon i. Hubaen pe sudena i, hara ni na so ra do hamu manangihon muda mangkuling Au tu hamu jana nada ra hamu mangalusi di na pio-pio Au tu hamu.”

JEREMIA 18:11

Didok Tuhan ma tu au, “Saonnari paboa ma tu angka halak Juda dohot tu halak na mangingani Jerusalem paboa na mambaen sangkap do Au saonnari laho mangalo halahi, dohot pasidungkon uhuman tu halahi. Suruhon ma anso diantak halahi parngoluon ni halahi na mardosai i jana dipadenggan halahi pangalaho dohot parbuatan ni halahi.

JEREMIA 25:29

PungkaonKu ma na mangaroncohon i sian kotangKi sandiri. Ulang jabat diambang halahi na so hona uhum be halahi. Angkon hona halahi, angke pamasaonKu ma porang tu sude bangso na adong di sandok portibi on. Au Tuhan, madung mandok songon i.”

JEREMIA 44:3

Patunda ni dosa ni halak na maringanan di angka kota i do umbaen na muruk Au. Dipelehon halahi haul jana marsomba halahi tu angka debata na so unjung hian dope disomba halahi sandiri, bope hamu sanga ompungmunu.

JEHESKIEL 7:5

Songon on ma pandok ni Tuhan Debata, “Ligi ma, mardapot-dapot noma parmaraan!