IBRANI 7:3 - BIBEL JAMITA NA DENGGAN

³ Na so marama, na so marina do ia, na so martarombo, na so marmula ni ari, jana na so marujung di ngoluna, tapi sobok do ia dohot Anak Ni Debata. Na gabe malim do ia ro di salolot ni salolotna.

IBRANI 7:3 Iomraidhean Croise

HARURUAR 6:18

Anak ni si Kehat opat halaklahi, i ma si Amram, si Jishar, si Hebron dohot si Usiel. Umur ni si Kehat 133 taon.

BILANGAN 1:18

anso marlagut sude jolma i di tanggal sada bulan dua, anso didaftar sude bangso i mangihutkon marga dohot ganop ripe. Goar ni sude halaklahi na marumur dua pulu taon tu ginjang disurat jana dietong,

MATEUS 4:3

Ro ma Sibolis i didok ma tuSia, “Muda Anak Ni Debata do Ho, dokkon ma tu angka batu on anso gabe roti.”

IBRANI 4:14

Hara ni i do dibaen na angkon togu tioponta haporsayaanta i. Angke adong do Malim Godang na sangap di hita, na dung masuk lalu tu jolo ni Debata – i ma Jesus Anak Ni Debata.

IBRANI 7:1

Raja sian Salem do si Melkisedek on jana malim ni Debata Na Gumincat i. Hatiha mulak si Abraham sian parporangan di na nitaluhonnia angka raja, ro ma si Melkisedek mangalo-alo jana mamasumasu ia.

IBRANI 7:17

Angke taringot tuSia didok, “Malim do Ho ro di salolot ni lolotna, mangihutkon aturan ni si Melkisedek.”

IBRANI 7:2

Dung i dilehen si Abraham ma tu si Melkisedek saparsampulu ni sude na dapotnia sian parporangan i. (Goar Melkisedek astuanna na parjolo, “Raja Na Adil”; jana hara ni raja sian Salem ia, gabe “Raja Hasonangan” ma astuan ni goarnia.)

IBRANI 7:6

Nada pomparan ni si Levi si Melkisedek, hape laing manjagit do ia saparsampulu bagian sian sinadongan ni si Abraham, jana dipasupasu ia muse si Abraham haru na dung dipasahat angka janji na nilehen ni Debata tu si Abraham sandiri.