IBRANI 3:2 - BIBEL JAMITA NA DENGGAN

² Haposan do Jesus di Debata na mamili Ia tu karejo i, laing songon haburjuon ni si Musa najolo mandalankon karejonia di tonga-tonga ni bagasNia.

IBRANI 3:2 Iomraidhean Croise

HARURUAR 40:16

Dipatulus si Musa ma sudena songon na niparentahon ni Tuhan i.

BILANGAN 12:7

Tapi nada songon i muda mangkatai Au dohot si Musa pangoloingKi. Madung Hupasahat tusia karejo mamimpin bangsongKu Israel.

JOHANNES 15:10

Muda diihutkon hamu angka parentangKu, mangolu ma hamu sian holong ni rohangKu, laing songon Au na mangolu hara ni holong ni roha ni Damang, angke Huihutkon do na niparentahonNia.

JOHANNES 17:4

Madung Hupasangap Ama i di ginjang tano on; jana madung Hupasidung karejo na nisuru ni Ama i karejohononKu.

JOHANNES 7:18

Anggo halak na marroha-roha mandok hatana, na manjalahi sangap tu dirina sajo do i. Tapi anggo halak na manjalahi sangap tu na marsuru ia, i ma halak na tigor; nada adong gabus disia.

JOHANNES 8:29

Jana na marsuru Au, sai rap do Ia dohot Au. Nada jungada dipadiar Ia sasada Au sajo, angke sai Hubaen do sanga aha na pasonangkon rohaNia.”

EPESUS 2:22

Di na mardomu i dohot Kristus, na nipajongjong do hamu rap dohot halak na asing gabe sada Bagas Ni Debata; maringanan do Debata disi dohot TondiNia.

PANGARATAION 4:5

Madung huajarkon sude angka aturan i tu hamu, songon na niparentahon ni Tuhan Debata tu au. Karejohon hamu ma sudena i di tano na giot simasuhan dohot siingananmunu.

1 TIMOTEUS 1:12

Mandok tarimakasi do au tu Jesus Kristus Tuhanta i, na mangalehen gogo di au laho mangoloi Ia jana na mangetong au gabe songon sada halak haposan maniop karejo i.

1 TIMOTEUS 3:15

betak sai tarlambat au anso diboto ho hian sanga na bia sapatutna hita mangolu songon halak na sabagas dohot Debata, i ma parlagutan ni Debata na mangolu. Parlagutan i ma na songon tiang partunggul ni hasintongan ni Debata.

IBRANI 2:17

Jadi astuanna, angkon sarupa do Ia dohot halahi di sude pangalaho. Jadi dung songon i tarbaen Ia ma diriNia gabe Malim Godang ni halahi, na burju jana na maribo ni roha di na nioloanNia Debata laho manyesa angka dosa ni halahi.

1 SAMUEL 12:6

Dung i didok si Samuel ma muse, “Tuhan do na mamili si Musa dohot si Harun dohot na maroban ompumunu haruar sian Mesir.