IBRANI 1:2 - BIBEL JAMITA NA DENGGAN

² Tapi di hatiha na parpudi on madung mangkatai Ia tu hita markite-hite AnakNia, na dung ditontuhon do Ia gabe sipanean ni sasude na adong. Marhite Ia madung ditompa Debata hasiangan on.

IBRANI 1:2 Iomraidhean Croise

PAMUNGKAAN 49:1

Dung i dipiohon si Jakob ma angka dakdanaknia i, didok ia ma, “Marlagut ma hamu tu lambungkon, anso hupaboa tu hamu sanga aha na giot masa tu hamu di pudian ni ari.

JESAYA 2:2

Angkon tarjadi ma di angka ari na parpudi, dolok inganan ni Bagas Ni Tuhan angkon jongjong di julu ni angka dolok jana tardas di ginjang ni angka dolok marudur ma tu si angka bangso.

JESAYA 44:24

Songon on ma didok Tuhan, Sipalua ho; na manompa ho mamungka sian bortian. “Au ma da Tuhan, na manompa sasudena, sasada Au do pahembangkon langit, na pahembangkon tano on ise dehe na mandongani Au?

JESAYA 45:12

Au ma da Tuhan na manjadihon tano, dohot na manompa jolma anso mangingani tano. Hara ni kuasongKu langit i pe mahembang, Huatur mataniari, bulan dohot bintang.

JESAYA 45:18

Angke songon on do didok Tuhan, na manompa langit, – Ia do Debata –. Ditompa jana digana Ia tano on tohong dibaen Ia jana hot jongjong; ditompa Ia i nada anso ulang marisi, tapi baen inganan ni jolma do i; “Au do Tuhan, jana nada adong na asing.

JEREMIA 48:47

Tapi di pudian ni ari, pasuangon ni Tuhan do pangalaho ni Luat Moab i.” I ma na nidok ni Tuhan taringot tu na giot masa tu Moab.

JEHESKIEL 38:16

Songon halingsungsung na manondong portibi on. Muda dung dapot hatihana, tongosonKu ma ho laho mambuat tanongKi. Marhite na Hubaen i di na Hupake ho ale Gog, botoon ni angka bangso ma sanga ise do Au, i ma Debata Na Badia.

DANIEL 10:14

Ro do au laho mambaen ho mangastui sanga aha na giot tarjadi sanoli on di bangsomu. Taringot tu hatiha na giot ro do parnidaan on.”

DANIEL 2:28

Tapi adong do di banua ginjang Debata na mambuka sude rahasia, jana madung dipaboa Ia tu raja i sanga aha na giot tarjadi tu pudi on. Jadi on ma nipi ni raja i dohot astuanna:

HOSEA 3:5

Tapi ro do i hatihana mulak bangso Israel tu Tuhan Debata ni halahi dohot tu raja ni halahi na sian pomparan ni si Daud. Jadi gabe mabiar ma halahi jana marhabiaran tu Tuhan boti jagiton ni halahi ma angka pasupasuNa.

MIKA 4:1

Anggo tu angka ari na ro dolok ni Bagas Ni Tuhan tarida ma gumincat jana tigor ma i jongjong manyalpui angka dolok na gincat. Marroan ma tusi angka bangso;

BILANGAN 24:14

Didok si Bileam ma tu si Balak, “Mulak ma au saonnari tu bangsongku. Tapi taran so kehe au, giot dohononku siingotonmu sanga aha na giot baenon ni halak Israel tu bangsomu di pudian ni ari.”

MATEUS 13:39

Alo ni na manyabur simareme-eme i, i ma Sibolis. Sabion i ma ajal ni hasiangan. Angka panyabi i, i ma angka surusuruan.

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

MATEUS 21:38

Tapi dung diida angka na mamola kobun i anak ni partano na bidang i martahi ma halahi, ‘Ah! Ma ro anak ni partano na bidang i. Aha dope, tabunu ma i anso di hita sude tean-teananna i!’

MATEUS 26:63

Tapi sip sajo do Jesus. Dung i diulahi Malim Godang i ma mandok hata tuSia, “Saonnari mangasahon Debata na mangolu i hupangido tu Ho sumpahon ma tu hami, tutu do Ho Anak Ni Debata Kristus i?”

MATEUS 28:18

Gabe dipadonok Jesus ma tu halahi, didok Ia ma hata, “Sude kuaso na di banua ginjang dohot di tano on, madung dipasahat tu Au.

MATEUS 3:17

Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

MARKUS 1:1

Songon on do Jamita Na Denggan taringot tu Jesus Kristus, Anak Ni Debata.

MARKUS 12:6

Ise noma na tarsuru nampunaan i? Hum sahalak sajo noma, i ma anaknia sandiri haholongan ni rohania i. Jadi ujungna laing disuru ia ma anaknia i mandapotkon angka na markarejo i. ‘Tontu argahonon ni halahi do anakki,’ ning rohania.

MARKUS 12:7

Tapi marsipandohonan ma angka na markarejo i sama halahi, ‘On ma halakna na giot manean i. Tabunu ma on dison anso di hita sude siteanonnia i!’

JOHANNES 1:10

Di portibi on do Hata i, markite-hite Ia do dijadihon portibi on, hape nada ditanda portibi on Ia.

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

JOHANNES 1:3

Sasudena do dijadihon markite-hite Ia, jana sian sasude na adong, sangkamata pe nada adong na nijadihon, so marhite sian Ia.

JOHANNES 13:3

Diboto Jesus do na dung dipasahat AmangNia sude kuaso tuSia. Jana diboto Ia muse do na ro sian Debata Ia, jana angkon mulak muse Ia tu Debata.

JOHANNES 13:32

Muda dipasangap Debata markite-hite Ia, pasangapon ni Debata muse ma Ia markite-hite diri ni Debata sandiri. Manigor baenon ni Debata ma songon i.

JOHANNES 15:15

Anggo hamu nada Hugoari be naposo, harana anggo naposo nada diboto ia sanga aha na nikarejohon ni morana. Dongan do hamu Hugoari, harana sude na Hubege sian Damang madung Hupaboa tu hamu.

JOHANNES 16:15

Au do nampuna sasude na adong di Ama i. I do umbaen na Hudok, sanga aha na nipasahat ni Tondi i tu hamu, sian Au do i dijagit Ia.”

JOHANNES 17:2

Madung dilehen Damang tu Anak i kuaso mangarajai sude jolma manusia anso dilehen Anak i hangoluan na so mantak tu sudena halak na nipasahat ni Damang tuSia.

JOHANNES 3:16

Angke songon i ma holong ni roha ni Debata di portibi on jabat dilehen Ia AnakNia na sasada i anso sude halak na porsaya tuSia nada mago, tapi maruli di ngolu na manongtong.

JOHANNES 3:25

Jadi adong ma deba sian sisean ni si Johannes i na martongkar dohot halak Jahudi taringot tu aturan haiason mangihutkon ugamo Jahudi.

JOHANNES 5:26

Dibaen songon Ama i marhangoluan di bagasan diriNia sandiri, laing songon i ma madung dibaen Ama i do Anak i, gabe marhangoluan di bagasan diriNia sandiri.

JOHANNES 5:27

Madung dilehen Ia kuaso tu AnakNia laho manontuhon uhuman, harana Anak Ni Jolma i do Ia.

JOHANNES 9:29

Anggo taringot tu si Musa tangkas do hami boto na dung mangkatai Debata tusia. Tapi taringot tu Bayo i nada hami boto sanga sian dia asal ni i.”

BAENON NI ANGKA RASUL 10:36

Hamu ale angka dongan, tontu madung diboto hamu isi ni jamita na nipabolkas ni Debata tu halak Israel. Jamita Na Denggan do barita i na paboahon dame markite-hite Jesus Kristus, i ma Tuhan ni sude jolma.

BAENON NI ANGKA RASUL 2:17

Tulus ma di angka ari na parpudi, ninna Debata, usehononKu ma tondingKu tu sude jolma. Jadi manyurirangi ma angka anak dohot borumunu, maruli parnidaan ma angka naposo bulungmunu, marnipi ma angka simatobangmunu.

SURAT NI SI PAULUS TU PARLAGUTAN ROM 1:4

tapi mangihutkon hadebataon tangkas do ia Anak Ni Debata na gok hagogoan. Tanda sajo do i botoon markite-hite hangongotNia sian na mate i.

SURAT NI SI PAULUS TU PARLAGUTAN ROM 8:17

Antong, muda dakdanak ni Debata hita, gabe panean ma hita na giot manjagit angka pasupasu na nipasingkop ni Debata di angka dakdanakNia. Rap manjagit ma hita dohot Kristus sanga aha na dung nipasingkop ni Debata. Angke muda manaon na hancit hita rap dohot Kristus, laing dipasangap muse ma hita rap dohot Ia.

1 KORINTUS 2:7

Hamaloan ni Debata do anggo na hupajojor i. Nada diboto portibi on hamaloan i, tapi madung dipasingkop Debata hian i baen hasonanganta dompak so dijadihon Debata dope portibi on.

1 KORINTUS 8:6

Tapi anggo di hita, hum sada sajo do Debata. Ia do Ama na manjadihon sasudena na adong. Na giot diSia do ngolunta on. Tuhan pe hum sada sajo do, i ma Jesus Kristus. Markite-hite Ia dijadihon ma sasudena jadi hara ni Ia do umbaen na mangolu hita.

GALATIA 4:4

Tapi dung dapot hatiha hadenggananna, disuru Debata ma AnakNia i tu portibi on. Na sorang sian sada dadaboru do AnakNa i jana na mangolu di toru ni Tona i.

EPESUS 1:10

Isi ni sangkap i, on do: Anso sada sudena na nitompa i, na adong di banua ginjang sanga na di portibi on dohot Kristus na gabe uluna. Jana salosehonon ni Debata ma i muda dung dumpang hatihana.

EPESUS 3:9

dohot muse, anso marhite sian au botoon ni halak ma sudena sanga na bia Debata na manompa langit dohot tano on patuluskon sangkap na nirahasiahonNia i sian narobi, tu portibi on.

PANGARATAION 18:15

Tapi suruonNia ma tu hamu sian bangsomunu sandiri sada halak panurirang songon au on jana angkon oloanmunu do panurirang i.

PANGARATAION 31:29

Huboto do, muda dung marujung ngolungku, marjahati ma angka jolma jana tulakkononna ma sanga aha na dung huajarkon tu halahi. Di pudian ni ari, ampe ma parmaraan tu halahi, patunda ni na mangalapi muruk ni Tuhan marhite na mambaen na nilarangNia.”

PANGARATAION 4:30

Muda di bagasan hasusaan hamu, jana timpal sude parmaraan i tu dirimunu, gabe mulak tu Tuhan ma hamu ujungna jana oloanmunu ma Ia.

IBRANI 1:5

Na so jungada do didok Debata tu sada surusuruan, “AnakKu do Ho; Sadari on ma Au gabe AmangMu.” Na so jungada muse do didok Debata songon on sanga na tu surusuruan dia pe, “Gabe AmangNia ma Au, jana Ia ma gabe AnakKu.”

IBRANI 1:8

Hape anggo tu Anak i didok Debata do, “Ho do Debata, jana hot do salolot-lolotna hasangapanMu songon Raja! Pangarajaion na tigor do pangarajaionMu.

IBRANI 11:3

Hara ni haporsayaan, gabe mangarti hita bahaso hata na nidok ni Debata do manjadihon hasiangan on; jadi sanga aha na tarida, sian na so tarida do i tarjadi.

IBRANI 2:3

songon dia ma he tarbaen hita malua, anggo so taparrohahon do haluaan na songon i godangna? Tuhan i do na mangkatahonna di mulana i, jana na nioban dohot dipatontu tu hita markite-hite angka na umbegena.

IBRANI 3:6

Tapi anggo Kristus, songon anak do di bagasNia. Jana hita do bagas i muda tongtong marmomos jana marpos ni roha paboa na jagitonta do sanga aha na niarop ni rohanta.

IBRANI 4:14

Hara ni i do dibaen na angkon togu tioponta haporsayaanta i. Angke adong do Malim Godang na sangap di hita, na dung masuk lalu tu jolo ni Debata – i ma Jesus Anak Ni Debata.

IBRANI 5:8

Haru pe Anak Ia, laing na nipabangkit ni Debata do Ia.

IBRANI 7:28

Angka halak na so sanggam do na niangkat ni angka Tona ni ugamo Jahudi gabe Malim Godang. Tapi di pudi ni angka Tona i, dibaen Debata ma janji mardongan sumpa, diangkat Ia do gabe Malim Godang, Anak na sanggam i ro di salolot-lolotna.

IBRANI 7:3

Na so marama, na so marina do ia, na so martarombo, na so marmula ni ari, jana na so marujung di ngoluna, tapi sobok do ia dohot Anak Ni Debata. Na gabe malim do ia ro di salolot ni salolotna.

IBRANI 9:26

Harana muda songon i do, gabe marpupu do Ia manaon parkancitan mamungka sian dung ditompa portibi on. Hape anggo satutuna, saonnari di hatiha na giot marujung on, hum sanoli sajo do Ia ro laho manyesa dosa markite-hite na mangalehen diriNa sandiri.

1 PETRUS 1:20

Na dung nipili ni Debata do Kristus i dompak so ditompa dope tano on. Jana di angka ari marayak ujung ni jaman on, ro do Ia tu portibi on laho paluahon hamu.

2 PETRUS 3:3

Parjolo angkon diboto hamu, di ari na parpudi marroan ma angka jolma na mardalan mangihutkon giot-giot ni rohana sandiri. Incahan ni halahi ma hamu

JUDAS 1:18

Madung dipaboa halahi hian tu hamu, marroan do angka halak na mangincahi hamu marayak dapot ari na parpudi; i ma angka na mangolu mangihutkon giot-giot ni halahi sandiri na jat i.