IBRANI 1:1 - BIBEL JAMITA NA DENGGAN

¹ Madung jotjot jana marragam dalanna dibaen Debata laho mangkatai tu angka ompunta markite-hite angka panurirang.

IBRANI 1:1 Iomraidhean Croise

PAMUNGKAAN 3:15

Marsihosoman ma ho dohot dadaboru i. Marsalisi ma torus pomparanna tu pomparanmu. Ropukkonon ni pomparannia ma ulumu jana turbingonmu ma tambihulna.”

PAMUNGKAAN 6:3

Gabe didok Tuhan ma, “Nada Hupatola jolma i mangolu salolot-lolotna; angkon laing mate do halahi. Mamungka sian on, nada salpuan ni halahi be 120 taon.”

JOEL 2:28

“Dung salpu i sude, usehononKu ma tondingKu tu sude jolma. Jadi manyurirangi ma angka anak dohot borumunu, marnipi ma angka na ma tobangmunu maruli parnidaan ma angka naposobulungmunu.

LUKAS 1:55

I ma janji na patuduhon haburjuonNia tu si Abraham dohot tu sude pomparannia sapanjangna.”

LUKAS 1:72

Anso markite-hite i ma dipatuduhon Ia haburjuon ni rohaNia tu angka ompunta jana digohi Ia do janjiNia na badia i.

LUKAS 24:27

Dung i dipatorang Jesus ma tu halahi sanga aha na nidok taringot tuSia di bagasan Buku Na Badia i, mamungka sian Buku Ni si Musa lopus tu buku-buku ni angka panurirang.

LUKAS 24:44

Dung i mandok hata ma Ia tu halahi ning Ia ma, “Angka on ma na Hupaboa hian di hamu, dompak rap dope Au dohot hamu, angkon tarjadi do sudena sanga aha na tarsurat taringot tu Au di angka Buku Ni si Musa dohot buku ni angka panurirang dohot Masmur i.”

JOHANNES 16:13

Tapi muda dung ro Tondi ni hasintongan i pabotohonNia ma hatutuan salaho tu Debata, Ia ma na manguluhon hamu laho mananda sude hatutuan. Nada dohononNia sanga aha sian roha-rohaNia sandiri; hum taringot tu na nibegeNia do hatahononNia. Jana paboaonNia ma tu hamu sanga angka aha na giot masa tu pudian ni ari.

JOHANNES 7:22

Dibaen si Musa do paraturan di hamu, angkon sunatonmunu sude dakdanakmunu. Jana laing manyunat halak do hamu di Ari Sabat. (Anggo satutuna nada si Musa na parjolo mamungka manyunat halak, tapi angka ompunta na mangolu dompak so si Musa do.)

JOHANNES 9:29

Anggo taringot tu si Musa tangkas do hami boto na dung mangkatai Debata tusia. Tapi taringot tu Bayo i nada hami boto sanga sian dia asal ni i.”

BAENON NI ANGKA RASUL 13:32

Jadi saonnari, na pasahatkon Jamita Na Denggan i ma hami tu hamu ale angka dongan: Sanga aha na nijanjihon ni Debata tu angka ompunta,

BAENON NI ANGKA RASUL 2:30

Madung dijanjihon Debata tu si Daud mardongan sumpa paboa na adong sahalak sian pomparan ni si Daud baenon ni Debata gabe raja. Hara ni na dung diboto si Daud janji i boti hara ni panurirang do ia,

BAENON NI ANGKA RASUL 28:23

Jadi ditontuhon halahi ma sada ari parsuoan ni halahi dohot si Paulus. Bahat do halak marroan tu inganan ni si Paulus di ari i. Sian manyogot lalu tu potang dipajojor jana dijamitahon si Paulus ma tu halahi barita taringot tu Harajaan Ni Debata. Didokkoni si Paulus ma angka ayat sian Buku Ni si Musa bope Buku Ni angka Panurirang anso dihaporsayai halahi nian Jesus.

BAENON NI ANGKA RASUL 3:21

Laing di banua ginjang do Ia lopus dipaimbaru Debata sasudena songon na nidok ni Debata markite-hite angka panurirangNia na badia di hatiha na robi.

IBRANI 11:2

Hara ni na porsaya, gabe jop do roha ni Debata mida angka jolma narobi.

IBRANI 12:25

Antong, jago ma hamu anso ulang jabat layas rohamunu tuSia na mandok hata i. Salangkan halahi na so manangihon na palalu hata ni Debata di portibi on nada tarbaen marlojong, mur ma hita on na umbege hata na nidokNia sian banua ginjang. Muda nada ra hita manangihonsa, bia dope pambaenna malua hita sian Ia!

IBRANI 2:2

Harana muda dung togu angka na nihatahon ni angka panurirang i, jana ganop pangalosion dohot panggagaion manjagit pamaloson na hombar tu pangalahona,

IBRANI 2:3

songon dia ma he tarbaen hita malua, anggo so taparrohahon do haluaan na songon i godangna? Tuhan i do na mangkatahonna di mulana i, jana na nioban dohot dipatontu tu hita markite-hite angka na umbegena.

IBRANI 3:5

Si Musa pe nian burju do ia songon pangoloi di tonga-tonga ni bagas ni Debata jana dipaboa ia do angka na giot ro.

IBRANI 4:8

Sugari na dung dioban si Josua angka jolma i masuk tu inganan na giot lehenon ni Debata gabe paradianan ni halahi, tontu nada pola taringotan ni Debata be sada ari na asing.

IBRANI 5:5

Laing songon i do Kristus. Nada na nipasangapNia diriNa sandiri markite na gabe Malim Godang, tapi na nipasangap ni na mandok tuSia: “AnakKu do Ho! Sadari on ma Au gabe AmangMu.”

IBRANI 9:19

Jolo dipaboa si Musa do sude angka Tona na sian Debata tu bangso Israel sude. Baru ma dibuat ia mudar ni anak ni lombu dohot mudar ni hambeng jantan i, dicampur ia ma i dohot aek, dung i dipispiskon ia ma tu Buku Tona na sian Debata dohot tu sude bangso Israel. Ruput hisop dohot imbulu ni biri-biri na rara tobang do dibaen ia pamispisna.