ESTER 9:3 - BIBEL JAMITA NA DENGGAN

³ Dohot muse noma sude angka halak na sangap-sangap di propinsi, angka gubernur, bupati maradu angka na marjabatan di harajaan i manyokong halak Jahudi dibaen mabiar do sudena tu si Mordehai.

ESTER 9:3 Iomraidhean Croise

ESRA 2:2

Angka na mamimpin halahi, i ma si Zerubabel, si Jesua, si Nehemia, si Seraya, si Reelaya, si Mordehai, si Bilsan, si Mispar, si Bigwai, si Rehum, dohot si Baana. On ma daftar ni Israel marsasaompu, dohot bahat ni halakna sian ganop horong na mulak sian habuangan:

ESRA 8:36

Dipasahat halahi muse ma dokumen na nilehen ni raja i tu halahi, tu gubernur dohot angka na manjabat di propinsi Efrat Hasundutan. Jadi gabe dilehen angka na marjabatan i bantuan tu bangso i anso laing tarbaen halahi tongtong maribadat di Bagas Ni Tuhan.

ESTER 3:12

Jadi di tanggal tolu bolas bulan sada, dipiohon si Haman ma angka sekretaris ni raja i. Disuru ia ma halahi mambaen surat domu tu sude na niparentahonnia, dung i diterjemahkon ma surat i tu sude hata jana disalin tu sude surat na dipake di harajaan i. Markite-hite goar ni Raja Ahasweros do surat i dibaen jana dicap dohot tintinnia i lalu ditongoskon ma tibu tu angka na markuaso, gubernur dohot na sangap di sude propinsi. Anggo isina, i ma parenta na mandok angkon bunuon nada adong ampunna sude bangso Jahudi, na poso bope na matobang, bope dadaboru sanga na dakdanak jana sinadonganna i dirampas, i ma di tanggal tolu bolas bulan Adar.

ESTER 8:17

Songon i muse di sandok kota dohot propinsi, sanga na di dia tehe disise surat parenta ni raja i, marjop ni roha ma angka halak Jahudi, marsonang-sonang maradu marpestai. Bahat muse dope sian jolma i na masuk gabe bangso Jahudi dibaen mabiar do halahi mida bangso i.

ESTER 8:5

“Muda lomo roha ni raja i jana holong rohamu di au, diparuar raja i ma sugari nian surat parenta laho mambuat angka surat ni si Haman i na marisi parenta laho mangabisi sude halak Jahudi na di harajaan on.

ESTER 8:9

Laing di na sadari i, i ma di tanggal dua pulu tolu, bulan Siwan, dipiohon si Mordehai ma angka sekretaris ni raja i jana diparentahon ia ma halahi mambaen surat tu angka gubernur, angka bupati maradu tu angka halak na godang na di propinsi na saratus dua pulu pitu i, mamungka sian India lopus tu Sudan. Dipambaeni ma surat i di bagasan kota dohot surat ni angka propinsi i be. Laing ditongos ia muse ma surat tu halak Jahudi di bagasan hata dohot surat Jahudi.

DANIEL 3:2

Dung i diontang raja i ma sude wakilnia, angka gubernur, bupati, panuturi ni negara, sitiop hepeng, panguhum, siboto undang-undang, dohot sude kapala luat mandohoti upacara parasmian ni patung na nipajongjongnia i.