ESTER 7:4 - BIBEL JAMITA NA DENGGAN

⁴ Harana madung targadis au dohot bangsongku laho bunuon. Sugari digadis hami hum na giot baenon hatoban, huhasipkon do i jana nada gangguonku pola raja i. Hape saonnari na giot abiskonon ma hami jana pusaon!”

ESTER 7:4 Iomraidhean Croise

NEHEMIA 5:5

Nada he laing halak Jahudi hami? Nada he dos dakdanaknami dohot angka dakdanak Jahudi na asing i? Haru songon i pe tarpaksa hami padiar angka dakdanaknami i gabe hatoban. Adong dope tehe sian angka borunami na gabe hatoban sigadison. Nada adong be gogonami harana ladang dohot kobun anggurnami madung hami gadehon.”

ESTER 3:9

Anggo na so haboratan do raja i, diharuarkon ma sugari surat parenta laho mamusa halahi. Jana muda na ra do raja i manjagit usul sian iba, pasti tarpamasuk iba do lobi sian 340.000 kilogram perak tu bagasan kas ni raja i.”

ESTER 7:5

Jadi marsapa ma Raja Ahasweros tu Ratu Ester, “Ise dehe na puluk mambaen songon i? Di dia halakna i?”

ESTER 7:6

Dialusi si Ester ma, “Si Haman na jahat on ma da musunami jana na mamparhanciti hami!” Di bagasan biar na marsitutu manatap ma si Haman tu raja dohot tu ratu i.

ESTER 8:11

Dipaboa di angka surat i bahaso na bolas do halak Jahudi di sude kota laho marsada dohot mambela dirina. Muda hona serang halahi dibaen angka halak na marsinjata sian bangso sanga propinsi dia pe jadi, tola do halahi mangalosa dohot mambunu angka na mangaroro i bope dadaboruna dohot dakdanakna; tola do sambolon ni halahi angka musu i lopus abis dohot mangarampas sinadonganna.

ESTER 8:6

Dia ma he lobas au paida-ida bangsongku dohot koum sisolkotku abis dibunu?”

ESTER 9:25

Tapi kehe si Ester mangadop tu raja, jana dilehen raja i parenta na tarsurat, patunda ni i ma umbaen na madabu tu si Haman sangkapnia sandiri na jahat i, gabe lopus hona gantung ia dohot angka dakdanaknia di tiang gantungan.

DANIEL 6:2

Dibagi si Darius ma harajaannia i gabe saratus dua pulu propinsi na niparenta ni sada be gubernur.

JOEL 3:6

Halak Juda dohot Jerusalem dioban hamu dao sian tanona; dung i digadis hamu tu halak Junani.

AMOS 2:6

Songon on ma didok Tuhan, “Hara ni na dung mardosa halak Israel marhite tolu hajahatan lopus tu opat hajahatan nada tarikonKu be haputusanKi, angke digadis halahi do angka halak na tigor hara ni hepeng jana halak na pogos hara ni sapasang solop.

LUKAS 12:45

Tapi muda didok naposo i do di bagasan rohania, ‘Honok dope anso mulak tuanki,’ gabe dipungka ia ma mambalbali angka naposo halaklahi dohot dadaboru, gabe mangan minum ma ia lopus mabuk.

PANGARATAION 28:68

Tongoskonon ni Tuhan ma ho mangulahi markapal tu Mesir, haru pe na dung Hudok na so mulak be ho sanga na andigan tusi. Pagadis-gadisonmunu ma dirimunu disi gabe hatoban halaklahi dohot hatoban dadaboru tu musumunu, hape sahalak pe nada adong na manobusi.”

JOSUA 9:23

Hara ni na songon i pambaenanmunu, hona uhum ni Debata ma hamu. Tongtong noma bangsomunu gabe hatoban sitaha soban dohot sialap aek baen sipakeon di Bagas Ni Debatangku.”

1 SAMUEL 22:23

Tongtong ma ho rap dohot au, jana ulang ho mabiar. Sai giot bunuon ni si Saul do ho, tapi au pe laing na giot bunuonnia muse do: Jadi, sonang ma ho di ingananku.”