ESTER 7:2 - BIBEL JAMITA NA DENGGAN

² Lalu-lalu minum anggur, marsapa ma raja i mangulahi tu si Ester, “Iabo, di Namora i, aha do ulaning por ni rohamu? Dokkon ma da! Pasti do lehenonku haru pe dipangido ho satonga sian harajaanku.”

ESTER 7:2 Iomraidhean Croise

ESTER 5:3

Dung i marsapa ma raja i, “Aha do ulaning, na diharohon ni boru ni raja i? Aha do giotmu? Dokkon ma! Haru pe satonga sian harajaanku dipangido ho, sai na lehenonku ma i.”

ESTER 5:6

Di hatiha na minum anggur marsapa ma raja i, “Saonnari paboa ma sanga aha giot ni rohamu. Sanga aha pe na nipangidomu hulehen pe, haru pe satonga sian harajaanku.”

ESTER 7:1

Jadi padua nolihon ma raja i dohot si Haman mangan minum rap dohot si Ester.

ESTER 9:12

Didok raja i ma tu Ratu Ester, “Hum di kota Susan sajo ma lima ratus halak dibunu halak Jahudi, dohot ma i anak ni si Haman na sampulu halak i. Mur ma di angka propinsi! Nada binoto be i, sanga na aha dipambaeni halahi disi! Aha dope na nipangidomu saonnari? Dokkon ma, pasti dapot ho ma i!”

MARKUS 6:23

Marsumpa ma si Herodes tu anak boru i, ning ia, “Marjanji ma au, lehenonku ma di ho sanga aha na nipangidomu. Sugari harajaanku pe dipangido ho satonga, lehenonku ma i!”

JOHANNES 16:24

Lopus tu hatiha on na so unjung dope dipangido hamu sanga na aha markite-hite goarKu. Torus ma pangido hamu, gabe manjagit ma hamu, anso sanggam jop ni rohamunu.”

BAENON NI ANGKA RASUL 23:19

Ditogu komandan i ma tangan ni doli-doli i, kehe ma halahi na dua tu topi-topi, disapai ia ma disi, “Aha do na giot sipaboaonmi tu au?”