ESTER 4:1 - BIBEL JAMITA NA DENGGAN

¹ Dung tarbege tu si Mordehai salaho tu na masa i, disibakkon ia ma pakeannia jana dipake ia ma abit goni tanda ni arsak ni roha. Disaburkon ia ma abuan tu ulunia, lalu mardalani ma ia di kota i tangis gogo jana dangol.

ESTER 4:1 Iomraidhean Croise

PAMUNGKAAN 27:34

Dung dibege si Esau na songon i, mangangguk godang ma ia jana dangol sajo dihilala ia; jadi didok ia ma, “Laing pasupasu ma da au, amang!”

PAMUNGKAAN 37:34

Disibakkon si Jakob ma pakeannia hara ni marsakna jana dipake ia ma pakean siluluton. Sanga na piga ari sai diandungi ia anaknia i.

2 SAMUEL 1:11

Umbege i, disibakkon si Daud ma pakeannia hara ni marsakna jana sude ma parangannia mambaen songon i muse.

2 SAMUEL 13:19

Dung i disaburkon si Tamar ma abu tu ulunia, disibak ia baju jubania i, jana kehe ma ia diholipi ia bohinia dohot tangannia dua-dua lalu tangis-tangis.

ESTER 4:2

Maradian ma ia di jolo ni pintu horbangan ni bagas godang, harana diantahi do masuk halak na marpakean goni tusi.

ESTER 4:3

Songon i muse di sandok propinsi, mangandungi ma angka halak Jahudi dung dipabotohon parenta ni raja i. Puaso ma halahi, tangis dohot mangangguk, jana bahat do sian halahi na mamake abit goni jana modom di ginjang ni abuan.

JOB 1:20

Jadi jongjong ma si Job, jana disibakkon ia ma pakeannia tanda ni marsakna. Dicukur ia ma ulunia, marsomba ma ia mandok,

JOB 2:8

Dung i juguk ma si Job di ginjang ni rompak na nitimbun, jana dibuat ia ma topik-topik ni ngarngar panghayo ni pamatangnia i.

JOB 42:6

Jadi gabe ila do rohangku paingot-ingot sude hatangku jana juguk di abu dohot orbuk do au manyolsoli rohangku.”

JESAYA 15:4

Mangangguhi ma halak Hesbon dohot Eleale jana habegean do angguk ni halahi i lalu tu Jahas. Salang angka tentara pe humitir do; manyikur be hara ni biarna.

JESAYA 22:4

Jadi gabe hudok ma, “Padao ma panailimu sian au. Tadingkon ma sasada au mangandungi di bagasan hapaeton, ulang be sai apoi au hara ni hamamago ni boru ni bangsongku.

JESAYA 37:1

Di na nibege ni Raja Hiskia lapuran ni sitolu halak i, disibakkon ia pakeannia jana marabit goni ma ia tanda ni marsakna, lalu kehe ma ia tu Bagas Ni Tuhan.

JESAYA 37:2

Dung i disuru ia ma si Elyakim kapala ni bagas godang i, si Sebna juru tulis negara dohot angka malim na matobang laho mandapotkon Panurirang Jesaya, anak ni si Amos. Halahi pe laing marabit goni do.

JESAYA 58:5

Muda marpuaso hamu, diparkanciti hamu dirimunu; dipaunduk hamu ulumunu maradu puhung songon bulung ni duhut. Dipahembang hamu abit goni dohot abuan anso modom hamu di ginjangna i. Songon i ma didok hamu lakna na puaso? Diambang hamu jop ma lakna roha ni Tuhan mida pangalaho na songon i?

JEHESKIEL 21:11

Digarut podang i anso singkop pakeon do i jana dipasahat ma i tu sada halak panyamboli.

JEHESKIEL 21:6

“Ale anak ni jolma, mangangguk! Mangangguk ma ho di jolo ni halahi songon halak na matipul rusukna. Jana na maringanan di bagasan parhancitan na paet.

DANIEL 9:3

Dung i huadopkon ma bohingku tu Tuhan Debata lalu martangiang mangido huhut marpuaso. Jana mamake baju siluluton jana juguk di ginjang ni abuan.

MIKA 1:8

Dung i ning si Mika ma: “Hara ni i do umbaen na marsak au jana tumatangis hara ni arsak ni rohangku, kehe ma au mardalan nada marsolop jana nada marpakean. Sai marauang ma au songon sorigala jana sai mangandungi songon unggas unto.

ZEPANYA 1:14

Madung donok ari paruhuman ni Tuhan, olo da, madung donok sajo do, lalu ne ma i manigor. Gok hapaeton do ari i, salang angka ulu balang pe angkon gabe mangangguki.

MATEUS 11:21

“Marjaya situtu ma ho Khorasim, marjaya ma dohot ho ale Betsaida. Sugari di halak Tirus dohot Sidon dibaen tanda hahomangan na nibaen di tonga-tongamunu, ma pola markutondo halahi marsak, marsibaen sirabun tu pamatangna be pataridahon na dung muba roha ni halahi sian angka dosana.

BAENON NI ANGKA RASUL 14:14

Dung dibege si Barnabas dohot si Paulus na giot baenon ni halahi i, diparsibakkon halahi ma pakean ni halahi marlojongi tu tonga-tonga ni halak na bahat i, marsurak ma halahi,

JOSUA 7:6

Songon i noma arsak ni si Josua dohot angka pamimpin ni Israel jabat disibak-sibak halahi pakean ni halahi jana sadari i lopus tu borngin sai manungkap ma halahi di jolo ni Poti Parjanjian ni Tuhan marsibaen abuan tu ulu ni halahi be tanda ni siluluton i.

HALUMBAAN 11:3

SuruhononKu ma dua halak sangsingKu anso manyurirangi jana marpakean arsak ni roha, salolot saribu dua ratus onompulu ari.”