ESTER 3:4 - BIBEL JAMITA NA DENGGAN

⁴ jana ganop ari do ia disosak halahi anso mangoloi sajo ia, tapi nada ra ia manangihon. Didok ia, “Halak Jahudi do au, nada tarbaen au manungkap di jolo ni jolma.” Jadi gabe dilapurkon halahi ma i tu si Haman dibaen giot botoon ni halahi sanga na bia do sibaenon ni si Haman maradopkon si Mordehai.

ESTER 3:4 Iomraidhean Croise

PAMUNGKAAN 39:10

Haru pe sai dielek-elek ripe ni si Potifar i si Josep sian ari tu ari, laing nada ra si Josep i rap sapodoman dohot ia.

ESRA 1:3

Sai dijagohon Debata ma hamu sude na gabe bangsoNia. Angkon mulak noma hamu tu Jerusalem jana bangunonmunu mangulahi Bagas Ni Tuhan, Debata ni Israel, Debata na disomba di Jerusalem.

ESTER 3:3

Disapai angka pagawe na di bagas godang i ma tusia sanga hara ni aha umbaen dilanggar ia parenta ni raja i,

ESTER 3:5

Sun ma muruk ni si Haman di na tarboto tusia bahaso na so ra si Mordehai manungkap tusia.

DANIEL 3:12

Hape adong do piga-piga halak Jahudi na niangkat ni raja i mamarenta di propinsi Babel na manggagai parenta ni raja i. I ma si Sadrakh, si Mesakh dohot si Abednego. Nada ra halahi marsomba angka debata ni raja i jana nada ra muse halahi manyomba patung sere na nipajongjong ni raja i.”

DANIEL 6:13

Marnida i, kehe ma halahi sude manopot raja i laho mangaduhon si Daniel. Didok halahi ma, “Inda he na dung diteken raja i surat parenta na mangalarang sude jolma di bagasan tolu pulu ari on palalu pangidoan tu sada sian angka debata sanga jolma asing tu raja i sajo? Boti muse, danggurkonon do sanga ise na mangalaosi parenta i tu bagasan liang ni singa?” Dialusi raja i ma, “Olo tutu do i, jana gabe undang-undang ni Media dohot Persia na so tarpauba-uba do parenta i.”

JUNUS 1:9

Dialusi si Junus ma, “Halak Ibrani do au. Tuhan Debata na di banua ginjang i do husomba, i ma na manompa laut dohot darat.”