ESTER 2:9 - BIBEL JAMITA NA DENGGAN

⁹ Lomo do roha ni si Hegai mida si Ester jana jop rohana tusia. Manigor ma dirawat ia hajegesonna jana dilehen ia muse panganon na tamana. Dipapinda ma si Ester tu kamar na dumenggan di inganan ni angka dadaboru i dohot pitu halak nari bujing-bujing na lumingkas sian bagas godang ni raja i na ditugaskon laho mangoloi ia.

ESTER 2:9 Iomraidhean Croise

PAMUNGKAAN 39:21

Tapi didongani jana dipasupasu Tuhan do si Josep, jabat gabe jop roha ni kapala ni hurungan i mida ia.

PAMUNGKAAN 39:4

Jop do roha ni si Potifar mida ia, jana diangkat ia ma si Josep gabe pangoloinia sandiri; jadi dipasahat ia ma tu si Josep laho mangurus bagas dohot sude sinadongannia.

1 RAJA-RAJA 8:50

sai sesa ma sude dosa bope durako ni halahi adop Ho, jana baen angka musu ni halahi mambaen na denggan tu halahi.

ESRA 7:6

Halak na marsikola do si Esra jana bahat do na binotonia salaho tu Uhum na nilehen ni Tuhan, Debata ni Israel tu si Musa. Dibaen dipasupasu Tuhan Debata do si Esra, gabe dilehen raja ma disia sandok na nipangidonia. Di taon papituhon mamarenta Raja Artahsasta, marangkat ma si Esra sian Babel manuju Jerusalem rap dohot sarombongan halak Israel, i ma angka malim, halak Levi, angka parende maradu panjago horbangan ni Bagas Ni Tuhan, dohot angka parkarejo.

NEHEMIA 2:8

Tamba ni i, laing hupangido dope surat tu si Asap panjago ni harangan harajaan, anso dipasingkop ia hayu sibaenon tu pintu horbangan ni benteng na manjagohon Bagas Ni Tuhan, dohot sipakeon di tembok ni kota dohot bagas na giot ingananku. Dioloi raja i do sude pangidoanki, dibaen ditolong Debata do au.

ESTER 2:12

Mangihutkon paraturan, dilehen do sataon lolotna laho mangarawat hajegeson ni angka dadaboru: onom bulan ma i dohot miak campur hamonyan, jana onom bulan nari dohot miak na marcampur angka na huskus na asing i. Dung salpu i, dapot geleran ma bujing-bujing i laho mangadop tu Raja Ahasweros.

ESTER 2:3

Diangkat raja i ma nian sugari angka pagawe di sude propinsi ni harajaan on laho manjalahi bujing-bujing na jeges laho marobansa sude tu bagas godang ni dadaboru na di Susan on. Si Hegai kapala ni pangoloi na di inganan ni dadaboru ma mangurus halahi dohot na mangarawat hajegeson ni halahi.

ESTER 5:2

Di na niidania Ratu Ester jongjong di ruar, holong ma rohania marnidasa jana disurduhon ia ma tungkot serenia i tusia. Jadi maju ma antong si Ester lalu dijama ia ujung ni tungkot i.

MASMUR 106:46

Disosoi Ho roha ni sude alona, gabe maribo roha paida-idasa.

PODA 16:7

Muda dipasonang ho roha ni Tuhan angka musumu dibaen Ia gabe dongan.

DANIEL 1:9

Jadi dilehen Debata ma tu si Daniel holong dohot ibo ni roha sian angka pamimpin ni pegawe bagas godang i.

BAENON NI ANGKA RASUL 7:10

jana na paluahon ia sian sude parkancitannia. Dilehen ma tusia asi ni roha dohot bisuk di na kehe ia mangadop tu jolo ni raja ni Mesir i; diangkat raja i ma ia gabe kapala di tano Mesir, dohot di bagas godang ni raja i.