ESTER 10:3 - BIBEL JAMITA NA DENGGAN

³ Hot do si Mordehai halak Jahudi i maniop jabatan partimbo di toru ni Raja Ahasweros sandiri. Dipasangap jana dihalomohon roha ni angka dongan sabangsonia do si Mordehai. Manggogo do ia patongonkon haluaan dohot hasonangan ni bangsonia maradu sude pomparan ni halahi.

ESTER 10:3 Iomraidhean Croise

PAMUNGKAAN 41:40

Huangkat ma ho gabe kapala di bagas godangku, dung i muse oloan ni rayatkon ma parentamu. Hum au noma di ginjang ni kuasomu.”

PAMUNGKAAN 45:10

Di Luat Gosen ma damang maringanan anso donok tu au – disi ma damang, anak dohot pahompumunu sude, biri-biri, hambeng, lombu dohot sandok sinadongan ni amang.

PAMUNGKAAN 45:11

Muda di Gosen amang maringanan, tarbaen au ma pature-turehon ho amang. Adong dope lima taon nari haleon potir on, jana jagohononku ma anso ulang mate so mangan damang, dohot keluargamu bope sude pahan-pahanan ni amang.’ ”

2 JUJUR TAON 28:7

Dibunu si Zikri sada parajurit ni Israel ma anak ni si Ahas na margoar si Maaseya. Laing dibunu ia muse ma si Asrikam pangurus ni bagas godang ni raja i dohot si Elkana, tangan kanan ni raja i.

NEHEMIA 2:10

Tapi di na tarbege tu si Sanbalat halak Bet-Horon i dohot tu si Tobia halak Amon i bahaso na dung ro au i ma taringot tu haporluan ni bangso Israel, gabe lebak sajo ma dihilala halahi.

ESTER 2:5

Di kota Susan i adong do sada halak Jahudi na margoar si Mordehai anak ni si Jair. Pomparan ni si Kis dohot si Simei na sian Marga Benyamin do ia.

ESTER 3:2

Diparentahon raja i ma tu sude pagawenia anso pasangapkon si Haman, marsomba di jolonia. Sude do mangoloi parenta i, asing sian si Mordehai.

DANIEL 5:16

On dope hubege paboa na malo ho mambuka sandok rahasia dohot pasidungkon angka soal-soal na maol. Muda malo ho mambasa surat on dohot paboahon astuanna tu au hulehen pe di ho pakean harajaan baju juba na bunga torung dohot borgok sere tanda ni hasangapan. Tamba ni i, huangkat pe ho gabe parkuaso na patoluhon di bagasan harajaanku.”

DANIEL 5:29

Manigor diparentahon si Belsasar ma angka pagawenia anso dipapakehon tu si Daniel baju juba na bunga torung jana dibaen borgok sere tu rungkungnia. Jadi diangkat ia ma si Daniel gabe parkuaso na patoluhon di bagasan harajaannia i.

DANIEL 6:3

Diangkat ia ma si Daniel dohot dua halak donganna laho manjago angka gubernur i anso ulang marugi raja i dibaen halahi.

SURAT NI SI PAULUS TU PARLAGUTAN ROM 10:1

Ale angka dongan, anggo pangidoan ni rohangku dohot tangiangku tu Debata anso dipalua halahi nian.

SURAT NI SI PAULUS TU PARLAGUTAN ROM 14:18

Sanga ise na mangoloi Kristus songon i, i ma halak na pasonang roha ni Debata jana diargahon angka dongan na asing.

1 SAMUEL 18:16

Tapi holong do roha ni sandok Israel dohot Juda tu si Daud angke ia do pamimpin na bahat pambaenanna.

1 SAMUEL 23:17

Didok si Jonatan ma tusia, “Ulang ho mabiar, indangkan na lalu ho madabu tu tangan ni amanta. Torang do diboto amanta, ho do gontinia na gabe raja ni Israel jana au ma juguk di torumu.”