ESTER 10:2 - BIBEL JAMITA NA DENGGAN

² Sude pambaenannia na godang jana na jebu i songon i muse barita salaho tu pangangkatnia di si Mordehai gabe pagawe tinggi sudena, tarsurat do i di bagasan Buku Sejarah Ni Angka Raja-raja ni Persia dohot Media.

ESTER 10:2 Iomraidhean Croise

1 RAJA-RAJA 11:41

Barita na asing taringot tu si Salomo, sude halobian ni karejo dohot parbinotoannia, madung disuratkon di Buku Parsorion Ni si Salomo.

1 RAJA-RAJA 14:19

Barita na asing taringot tu Raja Jerobeam, i ma salaho tu pangarajainia dohot parporangan na niuluhonnia, madung disuratkon di Buku Sejarah Ni Raja-raja Israel.

1 RAJA-RAJA 22:39

Barita na asing salaho tu Raja Ahab, taringot tu bagas godang na sian gading dohot sude kota na nipajongjongnia madung disuratkon di Buku Sejarah Ni Raja-raja Israel.

ESTER 2:23

Disihiri ma parkaro i, gabe torang ma antong na tutu lapuran i. Diuhum gantung ma sidua halak i. Hombar tu parenta ni raja i, disuratkon ma na masa i di bagasan Buku Sejarah Ni Harajaan i.

ESTER 6:1

Laing di borngin i nada tarpodom raja i. Jadi hara ni i, dipangido ia ma anso dibuat catatan Sejarah Ni Harajaan i jana disuru ia ma halak manyisesa.

ESTER 8:15

Dung i ditadingkon si Mordehai ma bagas godang i mamake pakean hasangapan na rata langit dohot na bontar, juba ungu na sian linen na halus dohot hampu sere na lobi jeges. Marsurak-surak ma kota Susan marjop ni roha.

ESTER 8:2

Ditalduskon raja i ma tintinnia na nibuatnia mangulahi sian si Haman jana dilehen ia ma i tu si Mordehai. Jana diangkat si Ester ma si Mordehai gabe na markuaso di arta ni si Haman.

ESTER 9:4

Sude do halak na di harajaan i mamboto sanga songon dia pangaruh ni si Mordehai di bagas godang jana mur martamba-tamba do kuasonia.

MASMUR 18:35

Tuhan, Ho do na mandongani au dohot na paluahon au, jana tangan siamunMu do na manogu-nogu au, hara ni kuasoMu gabe marsangap au.

DANIEL 2:48

Dung i dilehen ia ma di si Daniel pangkat na gincat, dileheni ia angka silua na jeges-jeges, jana diangkat ia si Daniel gabe pangarajai ni Babel lalu dibaen ia gabe pamimpin ni sude panuturi ni raja.