ESTER 10:1 - BIBEL JAMITA NA DENGGAN

¹ Dipamasa Raja Ahasweros ma marrodi, nada hum tu rayat na adong di topi ni laut di harajaannia i, tapi dohot do di angka luat parbagasan dipaksa markarejo.

ESTER 10:1 Iomraidhean Croise

PAMUNGKAAN 10:5

Halahi ma na gabe ompu ni angka bangso na maringanan di topi ni laut dohot di angka pulo-pulo. Pomparan ni si Jafet ma sudena i jana marsiingani tanona be do halahi marguru tu marga ni halahi. Jana adong be do hatana.

ESTER 1:1

Songon on ma na tarjadi di hatiha ni si Ahasweros, i ma si Ahasweros na mangarajai saratus dua pulu pitu luat, mamungka sian India lopus tu Etiopia.

ESTER 8:9

Laing di na sadari i, i ma di tanggal dua pulu tolu, bulan Siwan, dipiohon si Mordehai ma angka sekretaris ni raja i jana diparentahon ia ma halahi mambaen surat tu angka gubernur, angka bupati maradu tu angka halak na godang na di propinsi na saratus dua pulu pitu i, mamungka sian India lopus tu Sudan. Dipambaeni ma surat i di bagasan kota dohot surat ni angka propinsi i be. Laing ditongos ia muse ma surat tu halak Jahudi di bagasan hata dohot surat Jahudi.

MASMUR 72:10

Angka raja ni Tarsis dohot angka pulo marsioban silua somba-somba ma tusia. Angka raja ni Arab dohot Etiopia marroan manaruhon gugu bolaanna.

JESAYA 11:11

Di ari i, sanoli nari giot pakeon ni Tuhan ma kuasoNia jana obanonma bangsoNia na teba i di Asur dohot Mesir, di angka luat ni Patros, Sudan dohot Elam, di Babel, Hamat dohot di angka pulo na di laut.

JESAYA 24:15

jana halak na di Habincaran pe pujionna ma Ia. Sudena halak angka na maringanan di topi ni laut mamuji Tuhan, Debata ni Israel.

DANIEL 11:18

Dung salpu i; giot porangonnia ma angka bangso na di topi ni laut, jana bahat do i taluhononna. Tapi taluhonon ni sada pamimpin ni luat na asing ma ia jana antahonna ma incak-incak na nibaenna, jana mur ia noma layasan ni angka pamimpin ni luat na asing i.

LUKAS 2:1

Diparentahon Kesar Agustus ma hatiha i anso marsidaftarkon dirina be sude rayat na nirajaannia.