ESTER 1:4 - BIBEL JAMITA NA DENGGAN

⁴ Onom bulan honokna raja i patidahon sinadongan ni bagas godangnia i dohot hajagaron maradu hagodangan ni harajaannia i.

ESTER 1:4 Iomraidhean Croise

1 JUJUR TAON 29:25

Dibaen Tuhan do sude rayat i marlomo ni roha mida si Salomo jana dibaen Ia muse si Salomo dumohar sian sude raja na jungada mamarenta di Israel.

ESTER 1:3

Di taon patoluhon mamarenta Raja Ahasweros, dibaen ma horja godang di sude na marpangkat dohot pagawenia. Ro do tu horja i tentara ni Persia dohot tentara ni Media, songon i muse angka gubernur maradu na mora-mora na sian propinsi.

ESTER 1:5

Dung salpu i dibaen ia muse ma pesta mangulahi di sude rayat na di Susan, di na kayo bope na pogos. Saminggu lolotna mardalan horja i jana di alaman ni bagas godang ni raja ma ingananna.

JOB 40:10

Pajeges ma dirimu mamake hagodangan dohot hajagaron, jana pake ma hatongaman dohot hamuliaan.

MASMUR 145:5

Pabotohonon ni halahi ma hagodanganMu na marmulia i, giot endehononku do pambaenanMu na pahomangkon i.

MASMUR 21:5

Hara ni pangurupiMu mambaen tangkas ia tarida, dibaen Ho goarnia marmulia jana tarbarita.

MASMUR 45:3

Solotkon bo podang di gonting, o raja ulubalang, na tongam ma da raja i jana marmulia!

MASMUR 93:1

Ale Tuhan, Ho do raja; na godang jana marsahala. Togu do parjongjong ni tano on nada tarbaen matolbak.

JESAYA 39:2

Marjop ni roha ma si Hiskia hara ni utusan i jana dipatuduhon ia sude sinadongan, i ma angka sere dohot perak, angka parmasak dohot miak na huskus, dohot sude perlengkapan ni tentarania. Nada adong be di bagas godang i dohot di sude harajaannia na nitabunihonnia tu halahi.

JEHESKIEL 28:5

Tutu ma da malo ho marboniaga jana saonnari lobi hamoraonmu, jana sinadonganmi ma mambaen gakgak ho!’ ”

DANIEL 4:30

didok ia ma, “Ligi da, na jeges ma antong kota Babel! Au ma da na mambangun i gabe kota sabungan ni negara laho patandahon kuaso ni hagogoonku, hagodangan dohot habonggalonku!”

DANIEL 4:36

Dung sumuang torang rohangku, gabe dipaulak ma tu au hagodangan, habonggalan dohot barita ni goarku. Disambut angka pagawe dohot angka na marpangkat au jana dipaulak ma tu harajaanku, mur tu godangna noma tehe sian na salpu.

DANIEL 5:18

Dibaen Debata Na Gumincat i do si Nebukadnesar simatobang ni raja i gabe raja bolon jana dilehen tusia hagodangan bope habonggalan.

MATEUS 4:8

Dung i dioban Sibolis ma Jesus mangulahi tu sada dolok na gincat situtu. Dipatidahon Sibolis i ma tuSia sian i sude harajaan na di portibi on dohot sude hasangapanna.

MATEUS 6:13

jana ulang pamasuk hami tu bagasan pandugaan, tapi palua ma hami sian pangago i.’ [Ho do Raja na markuaso jana na marsangap salolot-lolotna.]

SURAT NI SI PAULUS TU PARLAGUTAN ROM 9:23

Por muse do roha ni Debata patuduhon tu hita hasangapanNia na marlobi-lobi na niusehonNia tu hita angka na nihaholonganNia. Madung dihobasi Ia hian hita laho manjagit hasangapanNia i,

EPESUS 1:18

Hupangidohon anso torang mata ni rohamunu dibaen Ia, anso diastui hamu sanga aha na patut aropon ni rohamunu sian Debata na mamiohon hamu, bope hamoraon ni hasangapan, siteanon na nitontuhonNia di angka halak na porsaya.

KOLOSSE 1:27

Anggo tu bangsoNia i ra do Debata paboahon sanga na bia dengganna dohot godangna rahasiaNia i di sudena jolma manusia. On do rahasia i: Di bagasan dirimunu do Kristus, jadi gabe dohot ma hamu maruli di hagodangan ni Debata.

HALUMBAAN 4:11

“Ale Tuhan, jana Debatanami, na tama do Ho manjagit puji-pujian, hasangapan, dohot kuaso, angke ditompa Ho do sandok jana markite-hite rohaMu do adong sudena i jana nitompa.”