ESTER 1:21 - BIBEL JAMITA NA DENGGAN

²¹ Dijagit raja i do dohot angka na sangap-sangap i usul ni si Memukan i jadi manigor ma didalankon raja i.

ESTER 1:21 Iomraidhean Croise

PAMUNGKAAN 41:37

Satuju ma raja i dohot angka pagawenia i di sangkap ni si Josep i;

ESTER 1:19

Antong hara ni i, pangidoannami, anso dibaen raja i nian haputusan bahaso na so tola be Ratu Wasti ro mangadop tu raja i. Angkon dibaen ma haputusan i gabe undang-undang di Persia dohot Media, anso ulang tarumpat-umpat be mangulahi. Dung i, nilehen ma jabatan ni Ratu Wasti i tu dadaboru na asing na umburju sian i.

ESTER 1:20

Muda dung marserak haputusan ni raja i tu sandok harajaan na bolak i, pasangapon ni ganop dadaboru ma halaklahina, na kayo bope na miskin.”

ESTER 1:22

Ditongoskon ia ma parenta tu sude luat ni harajaan i di hata dohot surat ni ganop luat i. Hata ni parenta i mandok angkon halaklahi do na pamimpin di bagasannia, jana mangkuling mangihutkon hata ni bangsona.

ESTER 2:4

Dung i, dipili raja i ma antong sian bujing-bujing i sanga ise na umpor roha ni raja i jana dibaen ma ia gabe ratu songon panggonti ni Ratu Wasti.” Dijagit raja i do usul i jana didalankon ia.