ESTER 1:2 - BIBEL JAMITA NA DENGGAN

² Di hatiha i, i ma hatiha mamarenta Raja Ahasweros di habangsa harajaonnia di kota Susan.

ESTER 1:2 Iomraidhean Croise

2 SAMUEL 7:1

Sai dijagohon Tuhan do si Daud sian pangganggui ni musuna jadi gabe tarbaen ia do tongtong tinggal di bagas godangnia i.

1 RAJA-RAJA 1:46

Si Salomo madung gabe raja saonnari.

NEHEMIA 1:1

On ma lapuran ni si Nehemia anak ni si Hakalya salaho tu angka na nibaennia. Di bulan Kislev taon padua puluhon mamarenta si Artahsasta gabe raja di Persia, au, si Nehemia topet do di Susan, kota sabungan ni harajaan i.

ESTER 2:3

Diangkat raja i ma nian sugari angka pagawe di sude propinsi ni harajaan on laho manjalahi bujing-bujing na jeges laho marobansa sude tu bagas godang ni dadaboru na di Susan on. Si Hegai kapala ni pangoloi na di inganan ni dadaboru ma mangurus halahi dohot na mangarawat hajegeson ni halahi.

ESTER 2:5

Di kota Susan i adong do sada halak Jahudi na margoar si Mordehai anak ni si Jair. Pomparan ni si Kis dohot si Simei na sian Marga Benyamin do ia.

ESTER 3:15

Tibu ma markehean angka suruan na pataruhon surat i tu sude propinsi ni harajaan i. Diparentahon raja i ma anso laing dipabotohon barita i di Susan, kota sabungan ni Persia. Dung salpu i juguk-juguk ma si Haman dohot raja i minum anggur, tapi anggo kota Susan ma pola gaor patunda ni barita i.

ESTER 4:16

“Palagut ma sude halak Jahudi na di Susan anso martangiang salaho tu au. Ulang ma hamu mangan tolu ari tolu borngin lolotna. Au sandiri pe dohot angka bujing-bujing na mangoloi au laing puaso do. Dung sidung i, mangadop ma au tu raja i, haru pe mangalanggar undang-undang do i. Muda angkon mate ma au hara ni i, padiar ma mate au tusi!”

DANIEL 4:4

Sonang do au mangingani bagas godangku jana ngolungku marlobi-lobi.

DANIEL 8:2

Di bagasan parnidaan i di propinsi Elam do au, di Susan, kota sabungan ni Persia. Jongjong au di lambung ni Batang aek Ulai,