ESTER 1:12 - BIBEL JAMITA NA DENGGAN

¹² Tapi di na nipalalu ni angka pangoloi i parenta ni raja i tu Ratu Wasti, nada ra Ratu i ro. Jadi gabe sun ma muruk ni raja i.

ESTER 1:12 Iomraidhean Croise

PAMUNGKAAN 3:16

Jadi didok Debata ma tu dadaboru i, “TambaonKu ma hasusaanmu di hatiha denggan pamatangmu, dohot hahancitanmu di na giot manubuhon dakdanak. Tapi haru pe songon i laing tongtong noma sai ro rohamu tu halaklahimu, jana anso dioloi ho halaklahimu.”

ESTER 1:11

Disuru ia ma halahi maroban tu jolonia Ratu Wasti mamake jarunjung harajaon di ginjang ni uluna. Na jogi situtu antong ratu i, jana na giot patida-tidahon hajogionna i ma raja i tu angka na sangap-sangap dohot tu sude tamunia i.

ESTER 1:13

Dihasomalkon raja i do laho mangido pandapot ni angka na malo taringot tu parsoalan uhum dohot aturan ni pangalaho. Jadi gabe dipiohon ia ma angka panuturina na umboto sanga aha sibaenon di pangalaho na songon i.

ESTER 7:7

Sun ma muruk ni raja i, lalu jongjong manadingkon meja jana kehe mardalan tu ruar tu kobun ni bagas godang i. Madung mamoto si Haman bahaso na dung dibuat raja i haputusan laho manguhum ia, jadi gabe laing tongtong ma ia disi rap dohot Ratu Ester laho mangidohon anso dipalua.

MASMUR 74:1

Ale Debata, salolot-lolotna dehe tadingkononMu hami? Biasi torus muruk Ho tu bangsoMu sandiri?

MASMUR 79:5

Ale Tuhan, torus noma lakna Ho muruk, jana sai marapi purun hamumurukMu?

HARURUAR 32:19

Jana dung donok ia tu parbandaran i, diida ia ma anak ni lombu i dohot halak na manortori, gabe muruk sajo ma si Musa; didanggurkon ia ma batu si dua lambar i sian tangannia jana ditaporkon ia ma tu pat ni dolok i.

HARURUAR 32:22

Dialusi si Harun ma, “Ulang ma da antong tu au ho muruk; diboto ho do tangkas sanga na songon dia jahat ni bangso on.

PODA 19:12

Songon parngaur ni singa do parmuruk ni raja; tapi songon nambur tu suan-suanan do haburjuonna.

PODA 20:2

Muruk ni raja songon pangorong ni babiat do, barang ise na mangalapi muruk ni raja na mambaen parmaraan do i tusia.

DANIEL 2:12

Umbege i gabe muruk sajo ma raja i jana diparentahon ia ma anso dibunu sude angka halak na malo-malo na adong di Babel.

DANIEL 3:13

Umbege i, muruk sajo ma raja i lalu didabu ia ma parenta anso dioban sitolu halak i ro tusia.

DANIEL 3:19

Jadi gilap ma roha ni Raja Nebukadnesar maradopkon si Sadrakh, si Mesakh dohot si Abednego, jana marrarai bohina. Diparentahon ia ma anso dibaen purunan api na ummilas pitu lompit sian na somal.

NAHUM 1:6

Ise ma he bisa martahan muda muruk Tuhan? Ise ma tarbaen malua sian hamumurukNa? Palalu hosom ma Ia manggasa-gasa masarsar do batu gabe abu di joloNia.

EPESUS 5:22

Hamu angka dadaboru, oloi hamu ma halaklahimunu be songon pangoloimunu tu Tuhan.

EPESUS 5:24

Laing songon parlagutan i na tunduk tu Kristus, songon i muse ma dadaboru i angkon tunduk tu halaklahina di sude pangalaho.

PANGARATAION 29:20

Nada ra Tuhan mangampuni jolma na songon i. Tapi rimas ni Tuhan na marpiar-piar do manutung halakna i jana ampe ma sude parmaraan na tarsurat di bagasan buku on tusia, lopus abis ia baenon ni Tuhan.

1 PETRUS 3:1

Laing songon i ma hamu ale angka ina, angkon oloanmunu do halaklahimunu, jadi muda adong sian halahi na so porsaya di hata ni Debata, nada pola porlu dohononmunu sanga na aha pe tu halahi, parangemunu i ma na mambaen halahi gabe porsaya,