ESTER 1:10 - BIBEL JAMITA NA DENGGAN

¹⁰ Di ari papituhon minum-minum ma raja i marjop ni roha. Jadi gabe dipio ia ma si Mehuman, si Bista, si Harbona, si Bigta, si Abagta, si Zetar dohot si Karkas, i ma angka pangoloi na sai di adopan ni raja i.

ESTER 1:10 Iomraidhean Croise

PAMUNGKAAN 43:34

Sian meja ni si Josep ma dibaen panganon ni halahi, jana tu si Benyamin lima noli umbahat dibaen pangoloi i sian angka angkangna i. Jadi mangan minum ma halahi rap dohot si Josep lopus butong be.

2 SAMUEL 13:28

Diparentahon ia ma tu angka naposonia songon on, “Parate-atehon hamu denggan, muda dung mabuk si Amnon hara ni na minum anggur, hulehen pe tandana, bunu hamu ma ia. Ulang mabiar hamu. Au sandiri do na martanggung jawab di pangalaho on. Ulang ganggu-ganggu rohamunu tapi baen hamu mardongan habaranion!”

ESTER 1:9

Laing dibaen Ratu Wasti muse ma pesta di bagian dadaboru di bagasan bagas godang i.

ESTER 3:15

Tibu ma markehean angka suruan na pataruhon surat i tu sude propinsi ni harajaan i. Diparentahon raja i ma anso laing dipabotohon barita i di Susan, kota sabungan ni Persia. Dung salpu i juguk-juguk ma si Haman dohot raja i minum anggur, tapi anggo kota Susan ma pola gaor patunda ni barita i.

ESTER 7:9

Jadi didok si Harbona sada sian pangoloi i, “Rajanami, adong do di bagas ni si Haman tiang gantungan dua pulu dua meter gincatna. Na nipajongjong ni si Haman do i laho manggantung si Mordehai halak na dung paluahon hosa ni raja i!” Dung i ninna raja i ma: “Gantung hamu ma si Haman tu tiang i!”

PODA 20:1

Inumon na koras mambaen jolma hurang ajar jana gaor oto do halak na minum lopus mabuk.

PODA 31:4

Ingot ma, Lemuel! Na minum anggur dohot na nirajaan ni siinumon na koras, nada patut gabe raja.

PARJAMITA 10:19

Pesta mambaen martata, jana anggur mambaen marmoga-moga. Tapi porlu do hepeng laho manggararisa.

HAKIM-HAKIM 16:25

Songon i ma jop ni roha ni halahi, gabe didok halahi ma, “Dioban ma da si Simson tuson anso taparmayam-mayam ia.” Jadi gabe dialap ma si Simson sian hurungan jana disuru ma ia jongjong di antara dua tiang na bolon lalu diparmayapkon halahi ma ia.

HAKIM-HAKIM 19:6

Jadi juguk ma halahi rap mangan minum. Lalu didok amang ni anak boru i ma tu halak Levi i, “Marsonang-sonang ma jolo hami lopus borngin.”

RUT 3:7

Dung sidung si Boas mangan dohot minum di bagasan jop ni roha kehe ma ia modom tu inganan panimbunan ni burir-burir i. Sip-sip ma ro si Rut mambuka ulos ni si Boas, lalu dipapayak ia ma di lambung patna i.