DANIEL 7:4 - BIBEL JAMITA NA DENGGAN

⁴ Na parjolo tompana songon singa, tapi marhabong songon habong ni rajawali. Di na hutatap tusia, manigor ma mumpat lalu taldus habongna i; tarangkat ma ia sian tano jana dipajongjong di dua pat songon jolma jana dilehen ma roha ni jolma tusia.

DANIEL 7:4 Iomraidhean Croise

2 SAMUEL 1:23

Si Saul dohot si Jonatan na dihaholongan jana na lambok, sai marsada do i di hangoluan bope di hamatean; humipas do halahi sian unggas rajawali, gumogo sian singa na gogo halahi.

JOB 25:6

Mur ma jolma, goya do i, jana songon porkis! Anggo di jolo ni Debata, sisoada do i.”

MASMUR 9:20

Padiar ma di bagasan biar halahi, O Tuhan, anso ditanda dirina bahaso na hum jolma sajo do halahi.

JEREMIA 25:38

Madung ditadingkon Tuhan bangsoNia songon panadingkon ni singa di asarna. Madung muba luat on gabe halongonan dibaen hakejamon ni porang dohot hamuruhan ni Tuhan.

JEREMIA 4:13

Ligi da, marmuldopan musu i songon ombun. Angka kareta porangna i songon halingsungsung, angka kudona i humipas sian unggas rajawali. Marjaya ma hita on! Mago ma hita!

JEREMIA 4:7

Songon singa na ruar sian liang partabunian songon i ma panyego-nyego ni angka bangso na dung mardalan laho mangaroncohon Juda. Mamolngit noma i angka kota ni Juda dipadiar gabe lobu na so adong manginganisa.

JEREMIA 48:40

Didok Tuhan ma, “Songon halihi na habang, tudos tusi ma sada bangso giot ro manyoro Moab.

JEREMIA 49:19

Songon singa na muldop sian harangan godang di lambung ni Batang aek Jordan, jana na ro mandapotkon padang panjampalan ni biri-biri, songon i ma Au giot ro jana mambaen marlojongi halak Edom sian tano ni halahi tompu. Dung i todoonKu ma sada halak pamimpin laho mamarenta luat i. Ise ma he na tarpatudos tu Au? Ise he puluk mangalo Au? Adong dehe lakna pamimpin na puluk mangalo Au?

ANDUNG 4:19

Humipas do na mangayak hami sian unggas rajawali; di dolok dohot di halongonan dikojar jana diolat halahi do hami.

JEHESKIEL 17:3

Anso diboto halahi na hudok: Adong ma sada unggas rajawali na godang, na jeges imbuluna, jana habongna i ginjang boti gogo. Habang ma ia tu Dolok Libanon, jana ditipulkon ia ma sada pusuk ni sada sampinur,

JEHESKIEL 28:2

“Ale jolma parsantongkinan, palalu ma tu raja ni Tirus, sanga aha na Hudok, Au Tuhan Debata mandok tusia, ‘Bulbul ni hatamu antong mandok na dung dietong ho dirimu debata na mangarajai sude laut. Muda na giot songon debata pe pangalahomu, guru di ho ma i, tapi ingot ma, jolma na somal sajo do ho.

JEHESKIEL 28:9

Antong muda dung dapot hatiha ni i, laing tardokkon ho dope he, Debata ho? Torang ma di jolo ni musumu bahaso hum jolma na somal sajo do ho.

DANIEL 2:38

Dibaen Ia do raja i gabe parkuaso di sude tano na niinganan ni jolma jana pangarajai ni sandok unggas dohot angka binatang na asing i. Raja i sandiri ma ulu sere na di patung i.

DANIEL 4:36

Dung sumuang torang rohangku, gabe dipaulak ma tu au hagodangan, habonggalan dohot barita ni goarku. Disambut angka pagawe dohot angka na marpangkat au jana dipaulak ma tu harajaanku, mur tu godangna noma tehe sian na salpu.

DANIEL 7:12

Anggo angka binatang na asing i madung dibuat kuasona, tapi laing dipaloas dope halahi mangolu lopus tu hatiha na dung ditontuhon.

DANIEL 7:5

Binatang na paduahon tompana songon gompul. Jongjong di patna pudi i do ia, jana dioban ia tolu holi-holi ni rusuk di antara ni iponnia i. Hubege ma sora na mandok tusia, “Tole bo, papangani ma juhut sanga sadia giotmu!”

MATEUS 24:28

“Sanga di dia adong bangke, marrongom do disi angka unggas sipangan bangke.”

PANGARATAION 28:49

Paroon ni Tuhan ma sada bangso na so mangarti ho hatana, sian ujung ni tano on laho mangalo ho. Songon rajawali do halahi manyoro ho.

HALUMBAAN 13:2

Tarsongon babiat do rupa ni binatang i, patna songon pat ni gompul jana babana i songon baba ni singa. Dung i dilehen naga na huida parjolo i ma tu binatang i gogona sandiri, dohot habangsa dohot kuasonia na godang i.