DANIEL 7:1 - BIBEL JAMITA NA DENGGAN

^1-2 Di taon parjolo dung mamarenta si Belsasar, raja ni Babel, marnipi ma si Daniel jana dapotan parnidaan dipodomannia. Dung i, disuratkon ia ma pangarimpunanna, “Di borngin i dapotan parnidaan ma au, huida ma mangombus alogo na gogo sian humaliang jana gumalungsang ma laut na bidang i.”

DANIEL 7:1 Iomraidhean Croise

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

PAMUNGKAAN 46:2

Mandok hata do Debata tusia di bagasan parnidaan di sada borngin jana pio-pio ma tusia, “Jakob, Jakob!” ninna. “Olo Tuhan,” ning ia mangalusi.

JOB 4:13

Mangganggu modom lalu marjonggor, songon nipi na sambor di borngin na holom.

JESAYA 30:8

Disuru Debata do au manyuratkon hajahatan ni bangsoNia di sada buku na gabe parningotan tu ari na giot ro salolot ni lolotna.

JESAYA 8:1

Didok Tuhan ma tu au, “Buat ma sada batu tulis na godang, jana suratkon ma dohot hurup na tangkas: ‘Maher-Salal dohot Has-Bas.’

JEREMIA 23:28

Anggo panurirang na marnipi angkon dokkononna do nian, ‘Nipi do da on.’ Tapi anggo panurirang na manjagit tona sian Au angkon palaluonna do tona i satutuna. Nada tarpatudos gandum tu durame.

JEREMIA 27:7

Mangoloi tusia do sandok bangso, tu anaknia dohot tu pahompunia lopus dapot hatihana madabu bangsonia i. Anggo di hatiha i mangoloi ma bangso Babel tu angka bangso na gogo dohot tu angka raja na godang.

JEREMIA 36:32

Jadi hubuat ma karotes balunan na imbaru i jana hulehen ma tu si Barukh juru tuliski, lalu disuratkon ia ma sude na hudiktehon i tusia, i ma isi ni surat balunan na parjolo i ditamba deba nari tona na asing na songon i.

JEREMIA 36:4

Jadi gabe hupio ma si Barukh anak ni si Neria jana hudiktehon ma tusia sude na nidok ni Tuhan tu au. Jadi disuratkon si Barukh ma sudena i tu karotes balunan i.

JEHESKIEL 1:1

Di tanggal lima, bulan paopathon, taon patolupuluhon, hatiha rap au dohot angka halak buangan di topi ni Batang aek Kebar, mungkap ma langit jana maruli parnidaan ma au taringot tu Debata.

JEHESKIEL 40:2

Di sada parnidaan, dioban Debata ma au tu Jerusalem jana dibaen ma au di dolok na gincat. Adong ma huida di jolongku saluhutan bangunan na tudos tu sada kota.

DANIEL 1:17

Dilehen Debata ma tu doli-doli na opat i bisuk dohot hamaloon di parbinotoan taringot tu hata dohot ragam ni angka surat. Tambani i dilehen Ia muse do tu si Daniel hamaloon laho patorang parnidaan dohot nipi.

DANIEL 2:1

Sanoli di sada borngin, dung dua taon mamarenta Raja Nebukadnesar, marnipi ma ia. Marsak ma rohania dibaen nipinia i, lopus nada tarpodom be ia.

DANIEL 2:26

Jadi didok raja i ma tu si Daniel na margoar muse si Beltsasar, “Tarpaboa ho dehe tu au nipingki dohot astuanna?”

DANIEL 4:13

Taran mamikiri parnidaan i au, huida ma sada surusuruan mijur sian banua ginjang; idaon songon na hobas do ia jana manat-manat.

DANIEL 4:5

Tapi di sada borngin taran modom au, marnipi ma au jana manjagit parnidaan na mambaen rohangku marsak situtu.

DANIEL 5:1

Sanoli diontang Raja Belsasar ma saribu halak angka na godang-godang anso ro mandohoti pestania na marlobi-lobi, dohot na minum-minum anggur.

DANIEL 5:22

Hape anggo anaknia, i ma raja i sandiri, nada ra patoruk roha, haru pe nian diboto raja i do sudena i.

DANIEL 5:30

Laing di borngin i, hona bunu ma si Belsasar raja ni Babel i.

DANIEL 7:13

Di bagasan parnidaan na tu au borngin i, huida ma adong tarsongon jolma. Ro ma ia dihuliangi ombun lalu kehe ia mandapotkon Na Tongtong Mangolu i jana dipatandahon tuSia.

DANIEL 7:15

Longang rohangku jana marsak hara ni angka parnidaan na huida i.

DANIEL 7:7

Taran manatap au tusi, murgap muse ma binatang na paopatkon. Sun gogona jana jorbut tompana, mabiar au midasa. Diropuk ia dohot iponnia na gogo jana na songon pir ni bosi i angka soroannia jana dipangabis ia; teba-tebana i didege-dege ia. Asing do ia sian angka binatang na parjolo i, anggo on martanduk sampulu.

DANIEL 8:1

Di taon patoluhon mamarenta Raja Belsasar, tarida ma tu au, si Daniel, sada parnidaan na asing sian parnidaan na parjolo.

JOEL 2:28

“Dung salpu i sude, usehononKu ma tondingKu tu sude jolma. Jadi manyurirangi ma angka anak dohot borumunu, marnipi ma angka na ma tobangmunu maruli parnidaan ma angka naposobulungmunu.

AMOS 3:7

Nada dibaen Tuhan Debata i sanga na aha painte so dipabotohon Ia sangkap na nibaenNia tu angka panurirang, naposoNia.

HABAKUK 2:2

Dialusi Tuhan ma tu au songon on, “Tangkas ma suratkon tu batu lei, sanga aha na Hupaboa tu ho, anso mura siseon ni angka na mamolus.

BILANGAN 12:6

didok Tuhan i ma, “Tangihon hamu ma sanga aha na giot dohononKu! Muda adong angka panurirang di tonga-tongamunu, giot Hupatidahon diringKu tu halahi di bagasan parnidaan, jana mangkatai Au dohot halahi markite-hite nipi.

SURAT NI SI PAULUS TU PARLAGUTAN ROM 15:4

Harana sanga aha na dung tarsurat na jolo, gabe parsiajaran do i di hita, anso togu hita di panghirimon i, markite-hite hapohomon dohot pangapoion sian Buku Na Badia i.

2 KORINTUS 12:1

Angkon manggodang do au, haru pe sudena i nada marguna, tapi giot palaluonku do parnidaan dohot halumbaan na hujagit sian Tuhan.

HALUMBAAN 1:19

Antong, suratkon ma sanga aha na niidamu, i ma angka na adong saonnari dohot angka na giot tarjadi tu pudi on.

HALUMBAAN 10:4

Disi mangkuling ronggur na pitu i, giot suratkononku ma nian, hape hubege ma manigor sada sora sian banua ginjang na mandok, “Angkon rahasiahononmu do sanga aha na nidok ni ronggur na pitu i; ulang suratkon i!”