DANIEL 6:2 - BIBEL JAMITA NA DENGGAN

² Dibagi si Darius ma harajaannia i gabe saratus dua pulu propinsi na niparenta ni sada be gubernur.

DANIEL 6:2 Iomraidhean Croise

ESRA 4:22

Manigor ma padalan hamu na huparentahon i anso ulang mur mabahat be harugianku!”

ESTER 7:4

Harana madung targadis au dohot bangsongku laho bunuon. Sugari digadis hami hum na giot baenon hatoban, huhasipkon do i jana nada gangguonku pola raja i. Hape saonnari na giot abiskonon ma hami jana pusaon!”

PODA 26:6

Marsuru sada na oto laho manongos barita, tudos tu na mamonggol patna sandiri do i gabe hamamagona.

PODA 3:16

Dilehen habisuhon do di ho umur na ginjang, sinadongan dohot hasangapan.

DANIEL 5:16

On dope hubege paboa na malo ho mambuka sandok rahasia dohot pasidungkon angka soal-soal na maol. Muda malo ho mambasa surat on dohot paboahon astuanna tu au hulehen pe di ho pakean harajaan baju juba na bunga torung dohot borgok sere tanda ni hasangapan. Tamba ni i, huangkat pe ho gabe parkuaso na patoluhon di bagasan harajaanku.”

DANIEL 5:29

Manigor diparentahon si Belsasar ma angka pagawenia anso dipapakehon tu si Daniel baju juba na bunga torung jana dibaen borgok sere tu rungkungnia. Jadi diangkat ia ma si Daniel gabe parkuaso na patoluhon di bagasan harajaannia i.

DANIEL 5:7

Mangarar ma ia lalu mangido anso dipiohon angka datu na malo manjujur, na malo marjampi-jampi dohot na umboto parhalaan. Dung ro halahi, didok raja i ma, “Sanga ise na malo mambasa suratan i dohot paboahon astuanna tu au, lehenonku ma pakean harajaan, i ma baju juba na bunga torung dohot borgok sere tanda ni hasangapon. Tamba ni i angkatonku ma ia gabe parkuaso na patoluhon di bagasan harajaanku.”

DANIEL 6:1

Dung hona bunu si Belsasar, dirampas si Darius halak Media ma habangsa ni harajaan i. Marumur onom pulu dua taon ma ia di hatiha i.

MATEUS 18:23

Harana anggo Harajaan Ni Banua Ginjang tarsongon sada raja na giot pasalosehon angka utang ni naposonia do i.

LUKAS 16:2

Jadi dipio ia ma bendahara i jana didok ia ma, ‘Aha dehe na hubege taringot tu ho? Saonnari, pasahat ma jolo tu au paretonganmu taringot tu sudena hartongki. Mamungka saonnari nada tola be ho gabe bendahara.’

1 KORINTUS 4:2

Anggo na dipangido sian halak na gabe pangoloi i ma, angkon sihaposan do ia.

1 SAMUEL 2:30

Au Tuhan Debata ni Israel, na dung Hujanjihon do najolo, horongmu dohot margamu do na giot parkobas di Au gabe malim sapanjangna. Tapi saonnari Au mandok, nada Huhagioti be na songon i! Angka na pasangapkon Au do na giot pasangaponKu tapi anggo na palayas Au, palayasonKu do.