DANIEL 5:4 - BIBEL JAMITA NA DENGGAN

⁴ Dipuji-puji halahi muse ma angka debata na nibaen sian sere, perak dohot tumbaga, bosi, hayu dohot batu.

DANIEL 5:4 Iomraidhean Croise

1 RAJA-RAJA 1:49

Gabe mabiar ma angka tamu ni si Adonia, lalu jongjong ma halahi sude kehe marsitopot dalanna be.

JESAYA 42:17

Sanga ise na porsaya tu patung ni gana-ganaan. Angkon marbalik tu pudi jana dapotan hailaan i ma angka na mandok tu patung gana-ganaan: ‘Ho ma debatanami!’ ”

JESAYA 42:8

Au do Tuhan, i ma da goarKu, nada lehenonKu hamuliaonKu tu na asing. HabonggalonKu nada i pasahatonKu tu angka patung na nipambaenan.

DANIEL 1:8

Tapi tongtong do dijago si Daniel dirinia anso ulang ramun hara ni sipanganon dohot anggur na somal diinum raja i, dipangido ia ma tu pamimpin pegawe ni bagas godang i anso ulang diramuni ia.

DANIEL 4:37

Jadi au saonnari, au si Nebukadnesar mamuji, pagincatkon dohot pasangapkon Raja Ni Banua Ginjang. Tutu jana tigor do sude pambaenanNa jana bisa do Ia patorukkon halak na ginjang marroha.”

DANIEL 5:23

Padorgak diri do raja i maradopkon Na Markuaso di banua ginjang i jana puluk do raja i marsuru maroban masuk angka mangkuk na hona rampas sian Bagas Na Badia i. Dung i minum anggur ma raja i, angka na sangap, angka dadaboruna be songon i dohot angka gundik ni raja i sian mangkuk na ni rampas i. Dipuji-puji raja i do angka debata na dibaen sian sere, perak, tumbaga, bosi, hayu dohot batu, i ma angka debata na so marnida sanga marbinege sanga mangastui bagi aha. Nada dipasangap raja i Debata na manontuhon ngolu dohot hamamate ni raja i dohot na manontuhon pardalanan ni ngolu ni raja i.

DANIEL 5:3

Manigor dioban ma antong angka mangkuk i tusia, minum anggur ma halahi sudena sian panginuman i.

DANIEL 5:5

Laing di hatiha i tarida ma jari-jari ni jolma na manyuratkon sisuratonna di dingding ni bagas godang i, di inganan na tumorang hona sinondang ni lampu, gabe tangkas ma i diida raja i.

AMOS 6:7

Jadi hara ni i, hamu ma parjolo-jolo obanon tu habuangan. Marujung ma angka pesta dohot angka parjamu-jamuanmunu i.

HABAKUK 2:19

Hona bura ma halak na mangkuling tu hayu santuho, “Ngot ma ho!” Tu sada batu na ngungu, “Jongjong ma ho!” Tarbaen sada patung ma he mandok sangkababa hata tu ho? Nian marlampis sere do i dohot perak, tapi anggo tondi umpe adong di bagasanna.

BAENON NI ANGKA RASUL 17:29

Antong, muda pomparan ni Debata do hita, nada tola etongon ni rohanta na sarupa Debata i sanga tu aha pe na nibaen marguru tu hapistaran ni jolma, i ma na nibaen sian sere sanga perak sanga batu.