DANIEL 5:3 - BIBEL JAMITA NA DENGGAN

³ Manigor dioban ma antong angka mangkuk i tusia, minum anggur ma halahi sudena sian panginuman i.

DANIEL 5:3 Iomraidhean Croise

2 JUJUR TAON 36:18

Sude do dirampas raja ni Babel i angka parkokas ni Bagas Ni Tuhan dohot angka barang-barang sigodang arga, songon i dohot sinadongan ni raja dohot angka pagawena i lalu dioban tu Babel.

JESAYA 5:14

Maradu ngangang ma pamangan ni rura hamatean laho mambondut angka halak na godang di Jerusalem rap dohot rayat na somal marpesta i.

JEREMIA 50:28

Dicaritohon angka halak na lari sian Babel tu Jerusalem ma sanga songon dia pamalos ni Tuhan Debatanta di parbuatan ni halak Babel maradopkon bagas na badiaNia.)

DANIEL 5:2

Taran na minum-minum i halahi, diparentahon si Belsasar ma anso dipambuati angka mangkuk sere dohot perak na nirampas ni amangnia si Nebukadnesar sian bagasan Bagas Na Badia na di Jerusalem. Giot ni Raja Belsasar anso sian angka mangkuk i ma minum angka halak na godang-godang i, angka dadaboruna be, angka gundiknia dohot ia sandiri.

DANIEL 5:23

Padorgak diri do raja i maradopkon Na Markuaso di banua ginjang i jana puluk do raja i marsuru maroban masuk angka mangkuk na hona rampas sian Bagas Na Badia i. Dung i minum anggur ma raja i, angka na sangap, angka dadaboruna be songon i dohot angka gundik ni raja i sian mangkuk na ni rampas i. Dipuji-puji raja i do angka debata na dibaen sian sere, perak, tumbaga, bosi, hayu dohot batu, i ma angka debata na so marnida sanga marbinege sanga mangastui bagi aha. Nada dipasangap raja i Debata na manontuhon ngolu dohot hamamate ni raja i dohot na manontuhon pardalanan ni ngolu ni raja i.

DANIEL 5:4

Dipuji-puji halahi muse ma angka debata na nibaen sian sere, perak dohot tumbaga, bosi, hayu dohot batu.

HOSEA 2:8

Nada jungada dioku inangmi paboa Au do na mangalehen gandum, anggur, miak zetun dohot sere dohot perak bage na nipakenia i laho marsomba Baal i.

HABAKUK 1:11

Dung i songon hipas ni alogo markehean ma angka jolma i na mardebatahon hagogoonna sandiri.”

MALEAKI 1:12

Tapi anggo hamu madung marlayas goarKu dibaen hamu, hara ni hatamunu, “Langgatan ni Tuhan, madung marlayas bope na dihaulkon di ginjangna madung gabe haul na ramun.”

1 TESSALONIKA 5:3

Muda hatiha didok halak, “Dame do sude jana marsonang-sonang,” jadi disi ma ompot didondoni hamagoan halahi! Nada tarbaen halahi be malua. Songon hancit ni pangkilalaan ni sada ina na giot hipas do hamamasa ni i.

HAKIM-HAKIM 19:1

Taran so adong dope raja di Israel, adong ma sada halak Levi maringanan dao di bagasan luat partoran Efraim. Dibuat ia ma sada bujing-bujing gabe radingnia sian Betlehem Juda.