DANIEL 5:1 - BIBEL JAMITA NA DENGGAN

¹ Sanoli diontang Raja Belsasar ma saribu halak angka na godang-godang anso ro mandohoti pestania na marlobi-lobi, dohot na minum-minum anggur.

DANIEL 5:1 Iomraidhean Croise

PAMUNGKAAN 40:20

Jadi di na marulang tahun raja i, i ma tolu ari dung i, mambaen pesta godang ma raja i di sude pagawenia; diparuar ia ma pangurus ni siinumon dohot pangurus ni rotinia i sian hurungan jana dioban ia halahi tu jolo ni sude pagawenia i.

ESTER 1:3

Di taon patoluhon mamarenta Raja Ahasweros, dibaen ma horja godang di sude na marpangkat dohot pagawenia. Ro do tu horja i tentara ni Persia dohot tentara ni Media, songon i muse angka gubernur maradu na mora-mora na sian propinsi.

JESAYA 22:12

Suruon ni Tuhan, Tuhan Na Markuaso i ma hamu tangis dohot mangandungi, marcukur ulu dohot mamake abit goni di hatiha i.

JESAYA 22:14

Dipataridahon Tuhan, Tuhan Na Markuaso i do diriNa tu au jana didok, “Sanga na bia pe nada Huampuni be anggo hajahatan ni halahi i, lopus mate be halahi. Tuhan, Tuhan Na Markuaso do mandok i.”

JEREMIA 50:35

Didok Tuhan ma, “Angkon dipatimpas Babel rap dohot rayat dohot parkuaso maradu barisan na malo marroha.

JEREMIA 51:39

Di na manggogo roha ni halahi giot mangan, pasingkoponKu ma sipanganon di halahi, jana baenonKu ma halahi mabuk jana ribur lopus tarpodom jana nada tarsunggul-tarsunggul be.

JEREMIA 51:57

BaenonKu ma mabuk angka parkuaso ni Babel – angka hatobangon, pamimpin, dohot tentara, lopus tarpodom halahi salolot-lolotna. Madung Hudok hatana; Au ma da Raja, Au do Tuhan Na Markuaso.

DANIEL 5:30

Laing di borngin i, hona bunu ma si Belsasar raja ni Babel i.

NAHUM 1:10

Angke halahi pe angkon mago songon duri na marsijalin-jalinan, abis matutung songon durame na mahiang.