DANIEL 4:1 - BIBEL JAMITA NA DENGGAN

¹ On ma boa-boa ni Raja Nebukadnesar na nitongosnia tu jolma sian sandok bangso, marga ni bangso dohot hata na marragam-ragam di sude portibi on: “Mur martamba-tamba ma hadameon di hamu!

DANIEL 4:1 Iomraidhean Croise

1 JUJUR TAON 12:18

Jadi adong ma sahalak sian halahi, i ma si Amasai na gabe pamimpin ni na margoar “Tridasawira i”, digohi Tondi Ni Debata ma ia jana didok ia ma, “O Daud, anak ni si Isai! Donganmu do da hami! Sai manjadi ma nian karejomu dohot angka na mandongani ho. Mamihak tu ho do Debata!” Jadi dijaluangi si Daud ma halahi jana diangkat ia ma halahi gabe perwira di tonga-tonga ni tentarania i.

ESRA 4:17

Dibalos raja i ma songon on, “Mandapotkon Gubernur Rehum dohot si Simsai sekretaris propinsi maradu angka dongan ni halahi na maringanan di Samaria dohot di angka kota na asing di Efrat Hasundutan. Horas ma.

ESRA 5:7

“Tu adopan ni Raja Darius. Sai di bagasan dame ma raja i mamarenta!

ESTER 3:12

Jadi di tanggal tolu bolas bulan sada, dipiohon si Haman ma angka sekretaris ni raja i. Disuru ia ma halahi mambaen surat domu tu sude na niparentahonnia, dung i diterjemahkon ma surat i tu sude hata jana disalin tu sude surat na dipake di harajaan i. Markite-hite goar ni Raja Ahasweros do surat i dibaen jana dicap dohot tintinnia i lalu ditongoskon ma tibu tu angka na markuaso, gubernur dohot na sangap di sude propinsi. Anggo isina, i ma parenta na mandok angkon bunuon nada adong ampunna sude bangso Jahudi, na poso bope na matobang, bope dadaboru sanga na dakdanak jana sinadonganna i dirampas, i ma di tanggal tolu bolas bulan Adar.

ESTER 8:9

Laing di na sadari i, i ma di tanggal dua pulu tolu, bulan Siwan, dipiohon si Mordehai ma angka sekretaris ni raja i jana diparentahon ia ma halahi mambaen surat tu angka gubernur, angka bupati maradu tu angka halak na godang na di propinsi na saratus dua pulu pitu i, mamungka sian India lopus tu Sudan. Dipambaeni ma surat i di bagasan kota dohot surat ni angka propinsi i be. Laing ditongos ia muse ma surat tu halak Jahudi di bagasan hata dohot surat Jahudi.

DANIEL 3:29

Hara ni i, huparentahon tu ganop halak sian bangso dohot marga ni bangso sanga hata na dia pe na mandokkon hata incak tu Debata na nisomba ni si Sadrakh, si Mesakh dohot si Abednego, angkon nilobong-lobong noma i jana bagasna i dirumpakkon. Angke nada adong debata na margogo mambaen songon na nibaen ni Debata i.”

DANIEL 3:4

mangkuling ma wakil ni raja marsora na gogo, “Hamu angka dongan sian sandok bangso, sian marga ni bangso dohot na marhata na marragam-ragam. Tangihon hamu ma parenta ni rajanta on:

DANIEL 6:25

Dung i diparentahon raja i ma anso ditangkup angka na mangaduhon si Daniel i. Jadi rap diambungkon ma halahi dohot angka dakdanak dohot angka dadaboruna tu bagasan liang ni singa i. Nada jabat lalu dope halahi tu tandolan ni liang i, manigor disoro angka singa i ma halahi jana diropuk holi-holina i.

DANIEL 6:27

Huparentahon tu sude jolma na adong di luat na hurajai anso mabiar jana marsomba tu Debata na nisomba ni si Daniel! Debata na mangolu do Ia salolot-lolotna, lopus tu ujung ni sudena do Ia mamarenta. Nada ra mago harajaanNia. GogoNia nada marhaujungan.

DANIEL 7:14

Dilehen do tusia hasangapan dohot kuaso songon raja, jadi unduk ma tusia angka jolma sian sandok bangso, marga ni bangso dohot hata na marragam-ragam. Manongtong do kuasonia i salolot-lolotna, nada dirampas be sian ia harajaan.

ZAKARIA 8:23

Anggo di angka ari i ro ma sampulu halak sileban tu sada halak Jahudi jana dokkonon ni halahi ma, ‘Por do rohanami maruntung laing songon ho; angke hami bege do, bahaso dipasupasu Debata hamu.’ ” Madung didok Tuhan Na Markuaso i songon i.

BAENON NI ANGKA RASUL 2:6

Di na tarbege sora i, bahat sajo ma halak ro marlagut disi. Tarsonggot be ma halahi sudena umbege angka rasul i mangkatai di hata ni halahi be.

SURAT NI SI PAULUS TU PARLAGUTAN ROM 1:7

Tu hamu sude na di Rom, na nihaholongan ni Debata, na nipio jana dibaen gabe halak na badia: Asi ni roha ma di hamu dohot hasonangan na sian Debata Amanta dohot sian Tuhan Jesus Kristus.

EPESUS 1:2

Asi ni roha dohot hasonangan ma di hamu, sian Debata Amanta dohot sian Tuhan Jesus Kristus.

1 TIMOTEUS 1:2

Tu si Timoteus anakku situtu di bagasan haporsayaan. Asi ni roha dohot hasonangan ma di ho sian Debata Amanta dohot sian Kristus Jesus Tuhanta i.

1 PETRUS 1:2

mangihutkon sangkap ni Debata Ama jana na niparbadiai ni Tondi, anso mangoloi Jesus Kristus jana manjagit pamispion ni mudarNia. Mur martamba ma asi ni roha dohot hasonangan di hamu.