DANIEL 2:6 - BIBEL JAMITA NA DENGGAN

⁶ Tapi muda dapot hamu do, lehenonku ma tu hamu silehen-lehen na denggan dohot hasangapan. Antong, paboa hamu ma saonnari nipingki dohot astuanna!”

DANIEL 2:6 Iomraidhean Croise

DANIEL 2:48

Dung i dilehen ia ma di si Daniel pangkat na gincat, dileheni ia angka silua na jeges-jeges, jana diangkat ia si Daniel gabe pangarajai ni Babel lalu dibaen ia gabe pamimpin ni sude panuturi ni raja.

DANIEL 5:29

Manigor diparentahon si Belsasar ma angka pagawenia anso dipapakehon tu si Daniel baju juba na bunga torung jana dibaen borgok sere tu rungkungnia. Jadi diangkat ia ma si Daniel gabe parkuaso na patoluhon di bagasan harajaannia i.

DANIEL 5:7

Mangarar ma ia lalu mangido anso dipiohon angka datu na malo manjujur, na malo marjampi-jampi dohot na umboto parhalaan. Dung ro halahi, didok raja i ma, “Sanga ise na malo mambasa suratan i dohot paboahon astuanna tu au, lehenonku ma pakean harajaan, i ma baju juba na bunga torung dohot borgok sere tanda ni hasangapon. Tamba ni i angkatonku ma ia gabe parkuaso na patoluhon di bagasan harajaanku.”

BILANGAN 22:17

Bahat pe hugarari tu ho laho patuluskon aha sajo na hudok. Ro ma ho jolo manolong ahu, burai ma bangso i.”

BILANGAN 22:37

Ninna si Balak ma tusia, “Biasi nada ro ho di na hupio parjolo i? Ninna rohamu nada sanggup au mangalehen upamu?”

BILANGAN 22:7

Jadi kehe ma pamimpin ni halak Moab dohot halak Midian i, maroban upa di si Bileam, anso diburai ia halak Israel. Kehe ma halahi manopot si Bileam pabolkaskon tona ni Raja Balak

BILANGAN 24:11

Saonnari mulak ma ho. Madung hujanjihon mangalehen upamu, tapi nada diisinkon Tuhan jagitonmu upa i.”