DANIEL 2:5 - BIBEL JAMITA NA DENGGAN

⁵ Dialusi raja i ma, “Madung hubaen hatontuan songon on: Angkon paboaonmunu do nipi i tu au, songon i dohot astuanna. Muda nada tolap hamu, ponggol-ponggolon noma hamu jana bagasmunu angkon rumpakkononkon.

DANIEL 2:5 Iomraidhean Croise

2 RAJA-RAJA 10:27

Disurbu ma patung i rap dohot bagas pamelean i jana dibaen ma inganan hajongjonganna i gabe inganan ni kakus lopus tu sadari on.

ESRA 6:11

Huparentahon, anso dibuat sada tiang sian bagas ni sanga ise na mangalanggar parenta on, dipincuri ma ujung ni tiang i, lalu disusukkon ma tu pamatang ni halakna i lopus tombuk. Bagasna i angkon baenon inganan ni rompak.

MASMUR 50:22

Parate-atehon jana ingot hamu ma, hamu angka na dung lupa tu Debata, jago ma hamu anso ulang jabat hona pusa, jana nada adong be na mambaen malua.

MASMUR 58:7

Padiar ma mago halahi songon aek na maruas, songon ruput na malos na nidegean di dalan.

DANIEL 2:12

Umbege i gabe muruk sajo ma raja i jana diparentahon ia ma anso dibunu sude angka halak na malo-malo na adong di Babel.

DANIEL 3:29

Hara ni i, huparentahon tu ganop halak sian bangso dohot marga ni bangso sanga hata na dia pe na mandokkon hata incak tu Debata na nisomba ni si Sadrakh, si Mesakh dohot si Abednego, angkon nilobong-lobong noma i jana bagasna i dirumpakkon. Angke nada adong debata na margogo mambaen songon na nibaen ni Debata i.”

DANIEL 4:9

“Ale Beltsasar, pamimpin ni angka halak na marilmu, huboto do na nirajaan ni tondi ni angka debata na badia ho, jadi nada adong rahasia na buni di ho. Tangihon ma nipingkon jana patorang ma astuanna.

PANGARATAION 13:16

Angkon palaguton sude sinadongan ni halak kota i, jana dipagukguk di tonga ni alamanna i, lalu disurbu ma sude kota i dohot sasude na di bagasanna songon haul tu Tuhan Debatamunu. Dung sidung i sudena angkon tinggalkonon do i songon lobu jana nada tola be ulahan mambangunsa.

JOSUA 6:26

Diparuar si Josua do di hatiha i larangan songon on, “Sanga ise na mancubo giot mambangun kota Jeriko on mangulahi, hona bura ni Tuhan do i. Sanga ise na mamayakkon ojahanna gabe agoan anak siangkaan; jana sanga ise na mamasang angka pintu ni horbanganna i gabe agoan anak sianggianna.”

1 SAMUEL 15:33

Didok si Samuel ma, “Songon podangmi na dung mambaen bahat halak agoan anak, laing songon i muse ma inangmu gabe agoan anak.” Dung i dijaljal si Samuel ma si Agag di jolo ni langgatan na di Gilgal i.