DANIEL 11:2 - BIBEL JAMITA NA DENGGAN

² Jana sanga aha na giot sidokkononku tu ho, na tutu do i.” Didok surusuruan i ma, “Tolu raja na asing na giot mamarenta Persia, ihut ma raja na paopatkon na ummora ulang pado na asing i. Di hagogok ni kuaso dohot hamoraonnia, ditahi rohania ma giot marporang mangalo harajaan Junani.

DANIEL 11:2 Iomraidhean Croise

ESRA 4:24

Madung diantak mangkarejohon Bagas Ni Tuhan jana nada ditoruskon be i lopus tu taon paduahon mamarenta si Darius, raja ni Persia.

ESRA 4:7

Songon i muse di hatiha ni si Artahsasta mamarenta, mangulahi do i tarjadi: Mambaen surat ma si Bislam, si Mitredat, si Tabel dohot dongan ni halahi tu raja. Di hata Aram do dibaen surat i, jana angkon diterjemahkon do hatiha manyisena.

ESTER 1:1

Songon on ma na tarjadi di hatiha ni si Ahasweros, i ma si Ahasweros na mangarajai saratus dua pulu pitu luat, mamungka sian India lopus tu Etiopia.

PODA 22:21

jana na mangajarkon tu ho sanga aha na tutu. Sanoli on, muda disuru ho manangkasi, tarlehen ho ma alus na tumbuk.

DANIEL 10:1

Di taon patoluhon dung mamarenta si Kores, raja ni halak Persia, dipaboa ma tona tu si Daniel na margoar muse si Beltsasar. Tutu do tona i salaho tu hasusaan na godang. Dung i ditiop ia ma hata i jana diparate-atehon ia ma parnidaan i.

DANIEL 11:25

Mardongan habaranion baenonnia ma tentara na bahat laho mamorangi Mesir na dung hobas muse laho mangalo ia dohot tentara na gogo. Tapi tarpaoto ma raja ni Mesir gabe nada manjadi karejo na.

DANIEL 7:5

Binatang na paduahon tompana songon gompul. Jongjong di patna pudi i do ia, jana dioban ia tolu holi-holi ni rusuk di antara ni iponnia i. Hubege ma sora na mandok tusia, “Tole bo, papangani ma juhut sanga sadia giotmu!”

DANIEL 8:21

Hambeng jantan i, i ma manggambarkon harajaan Junani, jana tandukna na joljol i di holang-kolang ni matana na dua i, i ma rajana na parjolo.

DANIEL 8:26

Parnidaan taringot tu haul potang ari dohot manyogot i na dung dipatorang tu ho, situtu do i angkon masa. Tapi honok dope anso masa i; jadi tabunihonma jolo i.”

DANIEL 8:4

Huida ma manombeng biri-biri jantan i adop Hasundutan, Utara dohot Selatan. Sada binatang pe nada adong na tahan mangadopi ia sanga na malua sian kuasonia. Roha-rohania sajo ma dibaen ia jana gabe ginjang rohania.

AMOS 3:7

Nada dibaen Tuhan Debata i sanga na aha painte so dipabotohon Ia sangkap na nibaenNia tu angka panurirang, naposoNia.

JOHANNES 10:35

Jana sude hita rap taoku do anggo na tarsurat di Buku Na Badia i, nada tarbaen sundat i. Antong anggo songon i, muda tu angka na manjagit hata ni Debata i, digoari Debata sandiri halahi angka debata,

HALUMBAAN 21:5

Didok na juguk na di ginjang ni habangsa i ma, “Ligi ma, Hupaimbaru do sasudena!” Jana mangkuling ma Ia muse, “Suratkon ma, angke na tutu jana na sintong do sude hata on.”