DANIEL 10:8 - BIBEL JAMITA NA DENGGAN

⁸ Ditadingkon halahi ma au disi sada au sajo pamanatkon parnidaan na pahomang roha. Nada adong be gogongku jana bohingku pe madung muba jabat nada tartanda be.

DANIEL 10:8 Iomraidhean Croise

DANIEL 7:28

Olat ni i ma barita i. Ia au, si Daniel, susa sajo do au hara ni i; jana husimpan do i sude di bagasan rohangku.

HABAKUK 3:16

Panyogiton pamatangku pabege-begesa bibirku pe humitir, jana rohangku pe mabiar. Gabe gale ma au nada adong be gogo, tartuktuk patku, mardalan pe nada malo. Hupasada noma rohangku paintehon uhuman tu angka bangso na ro mamorangi hami.

DANIEL 8:27

Dung i gale ma hulala lalu marnyae ma au adong piga-piga ari. Dung i jongjong ma au jana hukarejohon angka karejongku di raja i. Tapi sai susa do rohangku mamikirkon angka parnidaan i jana nada tarastui au.

HALUMBAAN 1:17

Di na mangaligi au tuSia, tungkap ma au tu joloNia songon halak na dung mate. Tapi dibaen Ia ma tu au tangan siamunNia didok Ia ma, “Ulang ho mabiar! Au do Na Parjolo dohot Na Parpudi.

MARKUS 9:6

Satutuna, na so diboto si Petrus do sanga aha na giot dohononnia, hara ni na dung santak biar ni roha ni halahi.

MATEUS 17:6

Dung dibege anak sisean ni Jesus i sora i, mabiar sajo ma halahi jabat tungkap be tu tano i.

2 KORINTUS 12:7

Tapi ulang maginjangtu rohangku hara ni angka parnidaan na luar biasa i, gabe dilehen do saragam nyae di pamatangku na gabe songon parkokas ni Sibolis. Gabe manyonggot rohangku do nyae i, anso ulang ginjang do rohangku umbaen na dilehen i.

DANIEL 8:7

Hupareso ma pandogo-dogonia tu biri-biri jantan i. Hara ni panggasa-gasania, ditombeng ia biri-biri jantan i jana ponggol dibaen ia tandukna na dua i. Nada adong geldok ni biri-biri jantan i laho mangalo. Madabu ma ia tu tano i lalu didege-dege jana sahalak pe nada adong na tarbaen mangurupisa.

PAMUNGKAAN 32:31

Di na bincar mataniari, ditadingkon si Jakob ma Peniel, gabe tengka ma ia hara ni na tarkiet soitnia i.

JOHANNES 16:32

“Ligi hamu ma: Ro ma hatihana, jana tardok madung lalu i, paserahon ma hamu. Marmulahan be ma hamu tu bagasmunu jana tinggalkononmunu ma sada Au. Hape nada mamunjung Au, angke rap do Ama i dohot Au.

HARURUAR 3:3

“Hahomangan do i,” ning rohania. “Biasi nada mosok ramba-ramba i? Kehe ma au dumonok mangaligi tusi.”

DANIEL 10:16

Tapi adong ma na songon jolma tompana manjama pamanganku; dung i hubuka ma pamanganku jana mulai ma au mangkobari; hudok ma tusia na tongon jongjong di jolongki, “Tuan, hara ni parnidaan i gabe markancit do au, jana nada adong be gogongku.

DANIEL 10:17

Songon sada naposo na jongjong di jolo ni tuanna do au. Bia ma he baenonku mangkuling tu tuan i? Abis do gogongku boti hosangku pe sompit.”